Dinamalar

ரீமேக் மாதிரியே இருக்காது : ரசிகரின் கேள்விக்கு ரவி தேஜா பட இயக்குனர் பதில்

தெலுங்கில் கப்பார் சிங், மிரப்பகாய் போன்ற ஹிட் படங்களை கொடுத்தவர் இயக்குனர் ஹரிஷ் சங்கர். தற்போது இவரது இயக்கத்தில் ரவி தேஜா நடிப்பில் உருவாகியுள்ள படம் மிஸ்டர் பச்சன். இந்த படம் வரும் ஆகஸ்ட் 15ம் தேதி வெளியாக இருக்கிறது. ஹிந்தியில் வெளியான ரெய்டு படத்தின் ரீமேக்காக இந்த படம் உருவாகி உள்ளது.

இந்த நிலையில் சோசியல் மீடியாவில் ரசிகர்களின் கேள்விகளுக்கு சமீபத்தில் பதில் அளித்தார் ஹரிஷ் சங்கர். அப்போது ரசிகர் ஒருவர் தொடர்ந்து ரீமேக் படங்களையே இயக்குகிறீர்கள், இந்த படம் ரீமேக் என்றாலும் வெற்றி பெற வாழ்த்துக்கள்.. அதே சமயம் மிரப்பகாய் படம் போல உங்கள் ஒரிஜினல் கதையில் திறமையை வெளிக்காட்டும் விதமாக ஒரு படத்துடன் மீண்டும் வாருங்கள் என்று கோரிக்கை வைத்தார்.

காரணம் இதற்கு முன்பு ஹரிஷ் சங்கர் இயக்கிய கப்பார் சிங் மற்றும் கத்தல கொண்டா கணேஷ் ஆகியவை ரீமேக் படங்கள் தான். இப்போது மிஸ்டர் பக்சன் படமும் ரீமேக் என்பதால் அவரிடம் இப்படி ஒரு கேள்வியை ரசிகர் கேட்டுள்ளார். ஆனால் இதற்கு கொஞ்சமும் கோபப்படாமல் கூலாக பதிலளித்துள்ள ஹரிஷ் சங்கர், “நண்பரே இந்த படத்தை பாருங்கள்.. ரீமேக் என்று சொன்னால் நீங்களே நம்ப மாட்டீர்கள்.. அந்த அளவிற்கு புதிதாக இருக்கும்.. நீங்கள் படம் பார்த்துவிட்டு என்னிடம் உங்கள் கருத்தை சொல்லுங்கள்.. நான் எப்போதுமே சோசியல் மீடியாவில் இருப்பவர்களுடன் ரொம்பவே நட்பாக பழகுபவன்.. எந்நேரமும் என்னை நீங்கள் தொடர்பு கொள்ளலாம்” என்று கூறியுள்ளார்.

• 
  நடிகர் பிரித்விராஜின் தார்யா ஹிந்தி படப்பிடிப்பு நிறைவு
• 
  புகையிலை விளம்பரத்திற்கு ரூ.40 கோடி: தைரியமாக மறுத்த சுனில் ஷெட்டி
• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்

• 
  திரிஷ்யம் முதல் பாகத்தின் பார்முலாவில் உருவாகும் 3ம் பாகம் : ஜீத்து ஜோசப் ...
• 
  விவாகரத்துக்கு பிறகும் ஒற்றுமையாக வலம் வரும் பிரியதர்ஷன் லிசி தம்பதி
• 
  ரூ.50 கோடி வசூல் கிளப்பில் இணைந்த சர்வம் மாயா
• 
  கூட்ட நெரிசலால் கேன்சல் செய்யப்பட்ட ரேப்பர் வேடன் இசை நிகழ்ச்சி : ரயில் ...
• 
  மோகன்லாலின் தாயார் சாந்தகுமாரி காலமானார்