ஸ்பெயின் டென்னிஸ் வீரரையும் விட்டு வைக்காத ஆவேசம் பட பாடல்

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

05 ஜூலை, 2024 - 01:45 IST

எழுத்தின் அளவு:

The-Spanish-tennis-player-is-also-obsessed-with-the-song

நடிகர் பஹத் பாசில் நடிப்பில் கடந்த இரண்டு மாதங்களுக்கு முன் மலையாளத்தில் வெளியான திரைப்படம் ஆவேசம். இந்த படத்தில் ரங்கா என்கிற ரவுடி கதாபாத்திரத்தில் வித்தியாசமான தோற்றத்திலும் வித்தியாசமான நடிப்பிலும் ரசிகர்களை வர்ந்தார் பஹத் பாசில். அந்த படத்தில் அவர் பேசும் வசனங்கள் மட்டுமல்லாது படத்தில் இடம்பெற்ற இலுமினாட்டி மற்றும் கரிங்காலியல்லோ என்கிற இரண்டு பாடல்களும் மலையாள ரசிகர்களையும் தாண்டி அனைவரையும் கவர்ந்துள்ளது. தமிழ்நாட்டில் இந்தப் பாடல்களுக்கு தான் அதிக அளவில் ரீல்ஸ் வீடியோவும் வெளியாகி உள்ளது.

இந்த நிலையில் சமீபத்தில் நடைபெற்ற விம்பிள்டன் போட்டியில் ஸ்பெயின் டென்னிஸ் வீரர் கார்லெஸ் அல்கராஸ் என்பவர் விளையாடிய போது முதல் சுற்றில் அதிக புள்ளிகள் கணக்கில் தனது எதிரியை வீழ்த்தினார். இதனை தொடர்ந்து விம்பிள்டனின் அதிகாரப்பூர்வ சமூக வலைதளத்தில் கார்லெஸ் அல்கராஸ் ஆவேசமாக விளையாடும் காட்சிகளை தொகுத்து அதன் பின்னணியில் ஆவேசம் படத்தில் இடம்பெற்ற இலுமினாட்டி பாடலை இடம்பெறச் செய்துள்ளனர். இந்த வீடியோவை மில்லியன் கணக்கில் ரசிகர்கள் பார்த்து ரசித்துள்ளனர். இந்தப் பாடலை விநாயக் சசிகுமார் எழுத இசையமைப்பாளர் சுசின் சியாம் இசையமைத்துள்ளார் என்பது குறிப்பிடத்தக்கது.

CarlosAlcaraz

Aavesham

Illuminatisong

wimbledon2024

கருத்துகள் (0) கருத்தைப் பதிவு செய்ய

திரிஷா, வினய்யை தொடர்ந்து ஐடென்டி ...

நடிகையுடன் தொடர்பு, கொலை மிரட்டல்: ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய