Dinamalar

போலீஸ் தேர்வில் பிட் அடித்த பிஜுமேனன்

மலையாள திரையுலகில் வில்லன் நடிகராக பல வருடங்கள் பயணித்து, பின்னர் நகைச்சுவை கலந்த குணச்சித்திர நடிகராக மாறி, சமீப காலமாக கதையின் நாயகனாக நடித்து வருபவர் பிஜூ மேனன். கடந்த சில வருடங்களுக்கு முன் இவரும் நடிகர் பிரித்விராஜும் இணைந்து நடித்த , ஈகோ பிரச்சனையை மையப்படுத்தி வெளியான 'அய்யப்பனும் கோஷியும்' படம் மிகப்பெரிய வெற்றியை பெற்றது. அதில் பிஜுமேனனின் நடிப்பு ரொம்பவே பாராட்டப்பட்டது. ஆனால் சமீப காலமாக அவரது படங்கள் எதுவும் வெளியாகாத நிலையில் அவர் நடித்துள்ள 'துண்டு' என்கிற திரைப்படம் வரும் பிப்ரவரி 16ஆம் தேதி வெளியாக இருக்கிறது.

இந்த படத்தில் போலீஸ் அதிகாரி கதாபாத்திரத்தில் நடித்துள்ளார் பிஜுமேனன். சாதாரண அதிகாரியாக இருந்து உயர் அதிகாரி ஆவதற்காக அவர் தேர்வு எழுதி தேர்ச்சி பெற வேண்டிய நிலையில் பலமுறை அவர் தோல்வியை தழுவுகிறார். வேறு ஒரு போலீஸ் அதிகாரி கொடுத்த ஆலோசனையின்படி போலீஸ் தேர்வில் பிட் (அதுதான் மலையாளத்தில் துண்டு) அடிக்க தயாராகிறார். மாட்டிக்கொள்ளாமல் தப்பித்தாரா, இல்லை சிக்கிக் கொண்டாரா என்பதை மையப்படுத்தி இந்த படம் முழுக்க முழுக்க நகைச்சுவை கலந்து உருவாகி உள்ளது. இதை சமீபத்தில் வெளியான இந்த படத்தின் டிரைலர் உறுதிப்படுத்தி உள்ளது. இந்த படத்தை இயக்குனர் ரியாஸ் செரீப் என்பவர் இயக்கி உள்ளார்.

• 
  பிராமணர்கள் குறித்து அவதுாறு கருத்து: மன்னிப்பு கேட்டார் 'மஹாராஜா' ...
• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...

• 
  கேரள அரசு விருதை கட்டி அணைத்தபடி தூங்கிய பிரேமலு நடிகர் : வைரலாகும் ...
• 
  நள்ளிரவில் போன் செய்து கஞ்சா கேட்டார் : மஞ்சும்மேல் பாய்ஸ் நடிகர் மீது ...
• 
  இன்ஸ்டாகிராம் மட்டுமல்ல போன் நம்பரையும் ஹேக் செய்து விட்டார்கள் ; நடிகை ...
• 
  மோகன்லால் மகனின் காதல் கல்யாணியுடன் அல்ல ; பிரபல தயாரிப்பாளர் வெளியிட்ட ...
• 
  நள்ளிரவில் கேரள போலீசாரிடம் ஹோட்டலில் இருந்து குதித்து தப்பிய வில்லன் ...