Dinamalar

நயன்தாரா பட இயக்குனரின் படப்பிடிப்பில் நஷ்ட ஈடு கேட்டு வியாபாரிகள் கலாட்டா

மலையாள திரை உலகை சேர்ந்த பிரபல குணச்சித்திர நடிகர் சீனிவாசன். இவரது இரண்டு மகன்களில் ஒருவர் இயக்குனரும் நடிகருமான வினீத் சீனிவாசன். இவரது தம்பி தயன் சீனிவாசனும் நடிகராக பல படங்களில் நடித்துள்ளார். கடந்த சில வருடங்களுக்கு முன்பு நயன்தாரா நடிப்பில் மலையாளத்தில் வெளியான லவ் ஆக்சன் ட்ராமா படத்தின் மூலம் இயக்குனராகவும் மாறினார். அதைத்தொடர்ந்து தற்போது மீண்டும் முழு வீச்சில் படங்களில் நடித்து வருகிறார்.

இந்த நிலையில் அவர் நடித்து வரும் ஒசானா என்கிற திரைப்படத்தின் படப்பிடிப்பு கேரளாவில் இடுக்கி மாவட்டத்தில் உள்ள கட்டப்பனை என்கிற ஊரில் நடைபெற்று வருகிறது. இங்கே உள்ள மார்க்கெட் ஒன்றில் இந்த படத்தின் காட்சிகள் படமாக்கப்பட்டபோது அங்குள்ள வியாபாரிகளின் வியாபாரம் பாதிக்கப்பட்டதாக கூறி தொழிற்சங்கத்தை சேர்ந்த ஒரு பகுதியினர் படப்பிடிப்பை தடுத்து நிறுத்தினார்கள்.

மேற்கொண்டு படப்பிடிப்பை நடத்த வேண்டும் என்றால் மார்க்கெட்டில் உள்ள சிறு வியாபாரிகளுக்கு இழப்பீடாக மொத்தம் 30 ஆயிரம் ரூபாய் தர வேண்டும் என பிடிவாதம் காட்டினர். வேறு வழியின்றி பணத்தை கொடுத்த பின்னரே படக்குழுவினர் அங்கே படப்பிடிப்பை தொடர்ந்து நடத்த முடிந்தது. அங்கே படப்பிடிப்பு நடத்துவதற்காக ஏற்கனவே நகராட்சியில் பணம் செலுத்தி உரிய அனுமதியை படக்குழுவினர் பெற்றிருந்தனர் என்பது குறிப்பிடத்தக்கது.

• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'
• 
  பாலிவுட் நடிகருக்கு ஜோடியாகும் மீனாட்சி சவுத்ரி
• 
  நிரப்ப முடியாத வெற்றிடம் : கணவர் தர்மேந்திரா மறைவு குறித்து ஹேமமாலினி ...
• 
  கணவர் மீது புகார் அளித்துள்ள செலினா ஜெட்லி
• 
  ஜோசப் ரீமேக்கை பார்க்காமலேயே தர்மேந்திரா மறைந்து விட்டார் : மலையாள ...

• 
  ஓமர் ஷெரீப்பை மம்முட்டியாக மாற்றிய நண்பனை முதன் முறையாக மேடையேற்றிய ...
• 
  மகேஷ்பாபு, ரவீனா டான்டன் குடும்ப வாரிசுகள் இணையும் படத்திற்கு டைட்டில் ...
• 
  இப்போதைக்கு லோகா.. அடுத்து இன்னொரு படம் வரும் : பிரித்விராஜ் ஆருடம்
• 
  திரிஷ்யம் 3 மலையாளத்தில் தான் முதலில் வெளியாகும் : ஜீத்து ஜோசப் ...
• 
  மலையாள சினிமாவில் முதன்முறையாக ஞாயிற்றுக்கிழமை வெளியாகும் படம்