Dinamalar

விவாகரத்து செய்தி வரும்போது கணவருடன் சேர்ந்து குலோப் ஜாமுன் சாப்பிட்ட நடிகை

மலையாள திரையுலகில் மிகக்குறைந்த வயதிலேயே எந்தவித சங்கோஜமும் இல்லாமல் விதவிதமான, வித்தியாசமான கதாபாத்திரங்களில் நடித்து வருபவர் குணச்சித்திர நடிகை லேனா. தமிழில் அநேகன் படத்தில் நடித்த இவர் கடந்த இரண்டு வருடங்களுக்கு முன் கூட பரபரப்பை ஏற்படுத்திய திரௌபதி படத்தில் டாக்டராக நடித்திருந்தார். தற்போதும் பிசியான குணச்சித்திர நடிகையாக நடித்து வருகிறார் லேனா.

கடந்த 2004-ஆம் வருடம் அபிலாஷ் குமார் என்கிற கதாசிரியரை திருமணம் செய்த லேனா 2013ல் அவரிடமிருந்து விவாகரத்து பெற்று பிரிந்தார். சமீபத்தில் ஒரு பேட்டியில் தனது விவாகரத்து குறித்து கூறும்போது சினிமாவில் கூட இப்படி ஒரு விவாகரத்து நிகழ்வு நடந்து இருக்காது என்று அதன் சுவாரஸ்யம் குறித்து குறிப்பிட்டார்.

இதுகுறித்து அவர் கூறும்போது, “என்னுடன் சிறுவயதில் 6ம் வகுப்பிலிருந்து படித்த பள்ளி மாணவன் ஒருவரை விரும்பினேன். பின்னாளில் அவரையே திருமணம் செய்து கொண்டேன். ஒரு கட்டத்தில் இருவரும் தனித்தனியே பிரிந்து வாழலாம் என பரஸ்பரம் முடிவு செய்து விவாகரத்துக்கு விண்ணப்பித்தோம். எங்களது விவாகரத்து வழக்கு முடிவுக்கு வரும் நாளன்று நாங்கள் இருவரும் ஒன்றாகத்தான் நீதிமன்றம் சென்றோம். அப்போது எங்களுடைய வழக்கறிஞர் இன்னொரு வழக்கு விசாரணையில் இருப்பதாகவும் அதுவரை நீங்கள் கேன்டீனில் காத்திருங்கள் என்றும் கூறினார்.

அதன்பிறகு எங்களது விவாகரத்து கிடைத்து விட்ட தகவலுடன் அவர் எங்களை தேடி கேன்டீன் வந்தபோது நாங்கள் இருவரும் ஒன்றாக குலோப் ஜாமூனை பகிர்ந்து சாப்பிட்டுக்கொண்டு இருந்ததை பார்த்து அதிர்ச்சி அடைந்து நின்றுவிட்டார். இதுபோன்ற ஒரு வழக்கை, இது போன்ற ஒரு தம்பதியினரை அவர் எப்போதும் சந்தித்து இருக்க மாட்டார். சினிமாவில் கூட இப்படி ஒரு விவாகரத்து வழக்கு காட்டப்பட்டிருக்காத்து. பிரிவோம் என முடிவு எடுத்துவிட்ட பின் டீசண்டாக நட்புடன் பிரிவதுதான் நல்லது” என்று கூறியுள்ளார் நடிகை லேனா.

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது

• 
  வெகுளித்தனமாக பதில் சொல்லி குஞ்சாக்கோ போபனுக்கு சங்கடத்தை கொண்டு வந்த ...
• 
  விடாப்பிடியாக நின்று மோகன்லாலை சந்தித்த 80 வயது ரசிகை
• 
  எங்களைப் பொறுத்தவரை உபேந்திரா தெலுங்கின் சூப்பர் ஹீரோ தான் : ராம் ...
• 
  தி கேர்ள் ப்ரண்ட் ஹீரோவின் கன்னட பட ரிலீஸ் தேதி ஒரு வாரம் தள்ளி வைப்பு
• 
  தள்ளிப்போன மம்முட்டியின் களம்காவல் ரிலீஸ்