Dinamalar

திரிஷ்யம்-2 - ஹிந்தி ரீமேக்கையும் இயக்கும் ஜீத்து ஜோசப்?

மலையாளத்தில் ஜீத்து ஜோசப் இயக்கிய திரிஷ்யம் படத்தின் தமிழ் ரீமேக்கை மீண்டும் அவரே கமலை வைத்து இயக்கினார். தெலுங்கில் ஸ்ரீபிரியாவும், கன்னடத்தில் பி.வாசுவும், ஹிந்தியில் நிஷிகாந்த் காமத் ஆகியோரும் ரீமேக் செய்தார்கள்.

இந்த நிலையில் திரிஷ்யம் -2 படத்தையும் மோகன்லாலை வைத்த மலையாளத்தில் இயக்கிய ஜீத்து ஜோசப், தற்போது தெலுங்கில் வெங்கடேசை வைத்து இயக்கியுள்ளார். கன்னடத்தில் மீண்டும் பி.வாசுவே இயக்குகிறார். இந்த நிலையில், திரிஷ்யம்-2 படத்தின் ஹிந்தி ரீமேக்கை இயக்கப்போவது யார் என்கிற எதிர்பார்ப்புகள் நிலவிக் கொண்டிருக்கிறது.

காரணம், திரிஷ்யம் படத்தின் முதல் பாகத்தை ஹிந்தியில் அஜய்தேவ்கன், ஸ்ரேயாவை வைத்து இயக்கிய நிஷிகாந்த் காமத் இறந்து விட்டார். ஹிந்தி, மராத்தி மொழிப்பட டைரக்டரான இவர் தமிழில் மாதவன் நடித்த எவனோ ஒருவன் என்ற படத்தையும் இயக்கியுள்ளார்.

இந்நிலையில், திரிஷ்யம்-2 படத்தின் ஹிந்தி ரீமேக் உரிமையை வாங்கியுள்ள பனோரமா ஸ்டுடியோ இன்டர்நேஷனல் நிறுவனம், அப்படத்தை ஜீத்து ஜோசப்பையே இயக்கித் தருமாறு பேச்சுவார்த்தை நடத்தி வருவதாக செய்திகள் வெளியாகியுள்ளன.

அதனால் தற்போது மலையாளத்தில் மோகன்லால் நடிப்பில் ராம் என்ற படத்தை இயக்கி வரும் ஜீத்து ஜோசப், அப்படத்தை இயக்கி முடித்ததும் ஹிந்தி திரிஷ்யம்-2 படத்தின் ரீமேக்கை தொடங்குவார் என்று கூறப்படுகிறது.

• 
  ராஷி கண்ணாவுக்கு ஏற்பட்ட காதல் தோல்வி
• 
  அப்பா- அம்மாவின் பிடிவாதம் ஏற்படுத்திய பாதிப்பு! - ஸ்ருதிஹாசன் வெளியிட்ட ...
• 
  கார்த்தியின் வா வாத்தியார் படத்தின் டீசர் வெளியானது!
• 
  அமரன் லுக்கில் மனைவிக்கு இன்ப அதிர்ச்சி தந்த சிவகார்த்திகேயன்
• 
  துல்கர் சல்மானுக்கு முதல் ரூ.100 கோடி வசூலை தந்த லக்கி பாஸ்கர்

• 
  மாதுரி தீட்சித் உடன் நடனமாடியது பெருமை - வித்யாபாலன்
• 
  ''குற்ற உணர்வால் எடுத்த முடிவு.. 10 ஆண்டுகளே நடிப்பேன்'': அமீர்கான் ...
• 
  36 ஆண்டுகளை நிறைவு செய்த 'தேசாப்' : மகிழ்ச்சியில் மாதுரி தீட்சித்
• 
  நவ., 22ல் ரிலீஸாகும் மிருணாள் குல்கர்னியின் ‛தாய் ஆகர்'
• 
  50 லட்சம் கேட்டு ஷாருக்கானுக்கு கொலை மிரட்டல்