Dinamalar

பகத் பாசில் ரசிகர் மன்றத் தலைவராக விரும்பும் பாலிவுட் நடிகர்

பகத் பாசில நடித்துள்ள ஜோஜி படம் ஓடிடி தளத்தில் சமீபத்தில் வெளியாகி உள்ளது. திலீஷ் போத்தன் இயக்கியுள்ள இப்படம் ஷேக்ஸ்பியரின் 'மெக்பெத்' நாடகத்தைத் தழுவி எடுக்கப்பட்டுள்ளது. இப்படம் ரசிகர்கள் மத்தியில் நல்ல வரவேற்பைப் பெற்று வருகிறது. பலரும் பகத் பாசிலின் நடிப்பை வெகுவாகப் பாராட்டி வருகின்றனர்.

திரையுலக பிரபலங்களும் இந்தப் படத்தைப் பாராட்டி வருகின்றனர். அந்த வரிசையில் பாலிவுட் குணசித்ர நடிகர் கஜராஜ் ராவ், ஜோஜி படத்தை பாராட்டி தனது இன்ஸ்டாகிராம் பக்கத்தில் எழுதியிருப்பதாவது:

சமீபத்தில் நான் ஜோஜி பார்த்தேன். நீங்கள் (மலையாளிகள்) தொடர்ந்து அசலான சிந்தனைகளை, மிக நேர்மையாக திரையில் கொண்டுவந்து நிஜமாகவே நல்ல சினிமா எடுப்பது நியாயமாக இல்லை. மற்ற மாநில மொழித் திரைப்படங்களிலிருந்து, குறிப்பாக எங்கள் இந்தி மொழிப் படங்களிலிருந்து நீங்கள் சுமாரான படங்கள் எடுக்க கொஞ்சமாவது கற்றுக்கொள்ள வேண்டும்.

நான் சொன்ன இந்த விஷயங்களை நீங்கள் மனதில் எடுத்துக் கொள்ளாமல் நீங்கள் செய்யும் நல்ல வேலையைத் தொடர்ந்து செய்வீர்கள் என்று நம்புகிறேன். தொற்று இல்லா உலகில் உங்கள் படங்களுக்கு, முதல் நாள் முதல் காட்சிக்கு, கையில் பாப்கார்னோடு நான் எப்போதும் காத்திருப்பேன். வட இந்திய பகத் பாசில் ரசிகர் மன்றத்தின் தலைவர் என்று நானே சொல்லிக் கொள்கிறேன். இவ்வாறு கஜராஜ் எழுதியுள்ளார்.

• 
  விஜய் நிதானமாக முடிவெடுக்க வேண்டும்: சிவராஜ்குமார் வேண்டுகோள்
• 
  நயன்தாரா, கவின் நடிக்கும் புதிய படத்தின் டைட்டில் அறிவிப்பு
• 
  திரையுலகில் 22 ஆண்டுகள்: நயன்தாரா நெகிழ்ச்சி
• 
  துல்கர் சல்மானுக்கு ஜோடியாக நடிக்க 3 கோடி சம்பளம் வாங்கிய பூஜா ஹெக்டே!
• 
  புகழ்ச்சியை தலையில் ஏற்றிக் கொள்ள மாட்டேன்! : கல்யாணி பிரியதர்ஷன்

• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு
• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...