Dinamalar

திருப்பதியில் சாமி தரிசனம் செய்த ஜான்வி கபூர்

தயாரிப்பாளர் போனிகபூர், மறைந்த நடிகை ஸ்ரீதேவியின் மகளான ஜான்வி கபூர் நேற்று திருப்பதியில் பெருமாளை தரிசனம் செய்தார். அவருடன் அவரது தங்கை குஷி கபூரும், ஜான்வியின் காதலர் என்று சொல்லப்படும் ஷிகர் பஹாரியா ஆகியோரும் சென்றிருந்தனர்.

நேற்று காலையிலேயே அவர்கள் தரிசனம் செய்துள்ளனர். கோயிலிலிருந்து வெளியில் வந்து பின் அவர்கள் மூலவரை நோக்கி விழுந்து கும்பிடும் வீடியோக்கள் சமூக வலைத்தளங்களில் வைரலாகி வருகின்றன. திருப்பதிக்கு சாமி தரிசனம் செய்ய வரும் போதெல்லாம் ஜான்வி, பாவாடை தாவணி அணிந்து வருவதை வழக்கமாக வைத்துள்ளார்.

அவரும் தங்கையும் பாவாடை தாவணியுடன் இருக்கும் புகைப்படங்களை பதிவிட்டுள்ளார். ஜுனியர் என்டிஆர் ஜோடியாக விரைவில் ஜான்வி கபூர் தெலுங்குப் படம் ஒன்றில் நடிக்க உள்ளார். 'லவ் டுடே' படத்தின் ஹிந்தி ரீமேக் மூலம் குஷி கபூர் சினிமாவில் அறிமுகமாக உள்ளார் என்றும் தகவல் வெளியாகி உள்ளது.

• இவரை பற்றி
• செய்திகள்
• ஆல்பம்