பாலியல் புகார் எதிரொலி ; ஜானி மாஸ்டரின் மனைவியும் கைதாகிறார் | வெங்கடேஷின் படப்பிடிப்பு தளத்திற்கு சர்ப்ரைஸ் விசிட் அடித்த பாலகிருஷ்ணா | நடிக்கவில்லை.. மகனாகவே வாழ்ந்தேன் ; கவியூர் பொன்னம்மா குறித்து மோகன்லால் உருக்கம் | தேவரா கூட்டணியில் துல்கர் சல்மான் ; பின்னணி இதுதான் | ஜெயிலர் விநாயகன் போல வேட்டையனால் வெளிச்சம் பெறுவாரா சாபுமோன் ? | துப்பாக்கி கனம் எப்படி இருக்கு?: சிவகார்த்திகேயன் சொன்ன பதில் | புதிய வெப் தொடரில் சமந்தா | ரஜினி இப்போதும் ஜொலிப்பதன் காரணம்: அமிதாப்பச்சன் உடைத்த ரகசியம் | என் அண்ணன் சூர்யா மிகப்பெரிய வில்லன்! - கார்த்தி வெளியிட்ட தகவல் | காலில் அறுவை சிகிச்சை செய்தபோதும் ரஜினியின் மனசிலாயோ பாடலுக்கு நடனமாடிய திவ்யதர்ஷினி! |
கடந்த இரண்டு வருடங்களுக்கு முன் மலையாளத்தில் சின்ன பட்ஜெட்டில் வெளியாகி மிகப்பெரிய வெற்றியை பெற்ற படம் 'ஹெலன்'. மாத்துக்குட்டி சேவியர் என்பவர் இந்தப்படத்தை இயக்கி இருந்தார். அன்னா பென் என்பவர் கதாநாயகியாக நடித்திருந்தார். இதன் தமிழ் ரீமேக்கில் அருண் பாண்டியன் மகள் கீர்த்தி பாண்டியன் நடிக்க, அன்பிற்கினியாள் என்கிற பெயரில் இயக்குனர் கோகுல் இயக்கத்தில் இந்த வருடம் வெளியானது.
இந்தப்படத்தின் தெலுங்கு ரீமேக்கில் கதாநாயகியாக அனுபமா பரமேஸ்வரன் நடிக்கிறார். இன்னொரு பக்கம் இந்தப்படத்தின் ஹிந்தி ரீமேக்கான 'மிலி'யில் ஸ்ரீதேவியின் மகள் ஜான்வி கபூர் நடித்துள்ளார். மலையாளத்தில் ஹெலனை இயக்கிய மாத்துக்குட்டி சேவியரே ஹிந்தியிலும் இயக்கியுள்ளார். போனி கபூர் தயாரித்துள்ளார்.
சமீபத்தில் இதன் படப்பிடிப்பை முடித்துள்ளார் ஜான்வி கபூர். “இப்படிப்பட்ட அற்புதமான ஒரு இயக்குனருடன் இணைந்து பயணித்தது நல்ல அனுபவம்” என அவருக்கு நன்றி கூறியுள்ளார் ஜான்வி கபூர்.
அதேபோல மாத்துக்குட்டி சேவியரும், ஜான்வி கபூர் சிறப்பாக ஒத்துழைத்து நடித்ததை பாராட்டும் விதமாக, ‛‛நீங்கள் இல்லையென்றால் நான் ரொம்பவே கவலைப்பட்டு போயிருப்பேன்.. நீங்கள் எனக்காக செய்த எல்லாவற்றுக்கும் நன்றி.. இதை ஒருபோதும் மறக்க மாட்டேன் நன்றி'' என தெரிவித்துள்ளார்.