Dinamalar

பூஜா பேடிக்கு கொரோனா: தானாக குணமாகிவிடும் என்கிறார்

பிரபல பாலிவுட் நடிகை பூஜா பேடி. பழம்பெரும் நடிகர் கபீர் பேடியின் மகள். விஷ்கன்யா படத்தின் மூலம் அறிமுகமானவர் அதன் பிறகு பல படங்களில் நடித்தார். தொலைக்காட்சி நிகழ்ச்சிகளை தொகுத்து வழங்கினார். பிக் பாஸ் நிகழ்ச்சியிலும் கலந்து கொண்டார்.

51 வயதான பூஜா பேடிக்கு கொரோனா தொற்று உறுதி செய்யப்பட்டிருக்கிறது. இதுகுறித்து அவர் தனது சமூக வலைத்தள பக்கத்தில் வெளியிட்டிருக்கும் வீடியோவில் கூறியிருப்பதாவது: எனக்கு மட்டும் எப்படி கொரோனா வரவில்லை என்று ஆச்சரியப்பட்டேன். ஆனால் ஒரு வழியாக எனக்கும் கொரோனா வந்துவிட்டது.

2 நாட்களாக இருமல் மற்றும் காய்ச்சலாக இருந்தது. நான் ஏதோ அலர்ஜி என்று முதலில் நினைத்தேன். அதன் பிறகு பரிசோதனை செய்து பார்த்தபோது கொரோனா இருப்பது தெரிய வந்தது. தேவையான சிகிச்சையை எடுத்து வருகிறேன். எனக்கு மட்டும் அல்ல, என் வீட்டில் உள்ள மற்றவர்களுக்கும் கொரோனா தொற்று கண்டறியப்பட்டுள்ளது.

நான் என் உடலின் இயற்கையான நோய் எதிர்ப்பு சக்தியைதான் நம்பியிருக்கிறேன். நான் தடுப்பூசி போடுவது இல்லை என்கிற முடிவில் இருக்கிறேன். இயற்கையான முறையில் குணமடைய விரும்புகிறேன். உங்களுக்கு எது சரி என்று படுகிறதோ அதை செய்யுங்கள். எச்சரிக்கையுடன் இருப்போம். பயப்பட வேண்டாம். என்று பூஜா தெரிவித்துள்ளார்.

• 
  ரியோ ராஜ் நடிக்கும் 'ராம் இன் லீலா'
• 
  இயக்குனர் ராஜ் நிடிமொருவை 2வது திருமணம் செய்தார் சமந்தா
• 
  நடிகை கனகா தந்தையும் இயக்குனருமான தேவதாஸ் காலமானார்
• 
  ஹிருது ஹாருன் ஜோடியான சம்யுக்தா விஸ்வநாதன்
• 
  ஹீரோயின் ஆன 'பிக்பாஸ்' ஜனனி

• 
  ஹிந்தியில் படத்துக்கு வரவேற்பு: புனேவுக்கு நடிகர் தனுஷ் விசிட்
• 
  நான் விளம்பரப்படுத்தியது குட்காவை அல்ல ஏலக்காயை.. சல்மான் கான் சமாளிப்பு ...
• 
  என்டிஆர், நீல் படத்தில் இணைந்த பிரபல பாலிவுட் நடிகர்!
• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!
• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'