தலைவி - என் திரைவாழ்வில் ஒரு மைல்கல் : அரவிந்த்சாமி - Thalaivi is milestone of my film carrier says Aravindswamy

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

தலைவி - என் திரைவாழ்வில் ஒரு மைல்கல் : அரவிந்த்சாமி

04 செப், 2021 - 09:02 IST

எழுத்தின் அளவு:

மறைந்த முதல்வர் ஜெயலலிதாவின் வாழ்க்கையை தழுவி உருவாகி உள்ள படம் தலைவி. ஏ.எல். விஜய் இயக்க, ஜெயலலிதாவாக கங்கனாவும், எம்ஜிஆராக அரவிந்த்சாமியும் நடித்துள்ளனர். இப்படம் தமிழ், தெலுங்கு, ஹிந்தியில் செப்., 10ம் தேதி வெளியாகிறது. இப்படத்தின் செய்தியாளர்கள் சந்திப்பு சென்னையில் நடந்தது.

இதில் பேசிய நடிகர் அரவிந்த்சாமி : ‛‛திறமையான நடிகர்கள் நடித்துள்ள இந்த படத்தில் எனக்கும் வாய்ப்பு தந்த தயாரிப்பாளருக்கும், இயக்குனர் விஜய்க்கும் நன்றி. சில தினங்களுக்கு முன் படம் பார்த்தேன். இது ஒரு மாஸ்டர் கிளாஸாக இருக்கும். கங்கனா, தம்பிராமையா, மதுபாலா, சமுத்திரகனி எல்லோரும் அவரவர் கதாபாத்திரங்களில் சிறப்பாக நடித்துள்ளனர். 30 ஆண்டுகளாக சினிமாவில் உள்ளேன். நிறைய பேருடன் பணியாற்றி உள்ளேன். நிறைய கற்று உள்ளேன். விஜய்யிடம் சிறப்பான திறமை உள்ளது.

என் திரைவாழ்வில் இந்த படம் ஒரு மைல்கல்லாக இருக்கும். நிறைய பேர் என்னை புகழ்ந்து பேசினார்கள். அதற்கு நான் தகுதியானவனா என்று எப்போதும் என்னை கேட்டுக் கொள்வேன். இருந்தாலும் அவர்களின் வாழ்த்துக்களை ஏற்றுக் கொள்கிறேன். இந்த படம் தியேட்டரில் தான் வெளியிட வேண்டும் என்று காத்திருந்து ரிலீஸ் செய்யும் தயாரிப்பாளருக்கு நன்றி. இது ஒரு அற்புதமான படம். மக்கள் நிச்சயம் தியேட்டர்களுக்கு வந்து பார்ப்பார்கள். படம் சிறப்பாக வந்துள்ளது. அதை பின்னணி இசையோடு படத்தை இன்னும் வேற லெவலுக்கு ஜிவி.பிரகாஷ் கொண்டு சென்றுள்ளார். அவருக்கும், ஒட்டுமொத்த படக்குழுவிற்கும் என் நன்றி.

இவ்வாறு அரவிந்த்சாமி பேசினார்.

Thalaivi

Aranvindswamy

Kangana

Thalaiviipressmeet

கருத்துகள் (0) கருத்தைப் பதிவு செய்ய

கடவுள் பக்தி கொண்ட கணவர் தேடும் ராஷி ...

ராஜமவுலி வேண்டுகோளுக்கு உடனே ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய