Dinamalar

தனுஷ் ஜோடியாக பூஜா ஹெக்டே?

தெலுங்குத் திரையுலகத்தில் தற்போது முன்னணியில் உள்ள நடிகை பூஜா ஹெக்டே. ஒரு படத்திற்கு சுமார் 3 கோடி ரூபாய் வரை அவர் சம்பளம் கேட்பதாகத் தகவல்.

தமிழில் நீண்ட இடைவெளிக்குப் பிறகு விஜய் ஜோடியாக 'பீஸ்ட்' படத்தில் நடித்து வருகிறார். அடுத்து மகேஷ் பாபு ஜோடியாக ஒரு படம், பவன் கல்யாண் ஜோடியாக ஒரு படம் என தெலுங்கில் இரண்டு படங்களில் நடிக்க உள்ளார் என்று தகவல். அவற்றோடு தனுஷ் நடிக்க உள்ள புதிய படத்திலும் ஜோடியாக நடிக்கப் போகிறார் என்று சொல்கிறார்கள். தெலுங்கில் வெங்கி அட்லுரி இயக்கத்தில் தனுஷ் நடிக்க உள்ள படத்திற்காகத்தான் பூஜாவிடம் பேசி வருகிறார்களாம்.

இதற்கு முன்பு 'மாஸ்டர்' படத்தில் நடித்த மாளவிகா மோகனனை தனது தனுஷ் 43வது படத்திற்காக ஜோடியாக்கினார் தனுஷ். அடுத்து 'பீஸ்ட்' பட நாயகி பூஜா ஹெக்டேவை தனது புதிய படத்திற்காக ஜோடியாக்க உள்ளார்.

இன்னும் இரண்டு ஆண்டுகளுக்கு தனுஷ் மிகவும் பிஸி என்கிறார்கள் கோலிவுட்டில். அந்தப் படங்களை முடித்த பிறகு மீண்டும் இயக்குனராக ஒரு படத்தை இயக்க வேண்டும் என்ற ஆசையும் தனுஷுக்கு உள்ளதாம்.

• இவரை பற்றி
• செய்திகள்
• ஆல்பம்