Dinamalar

மாநாடு, விஜய் - ஒரே நாளில் இரண்டு 'ஸ்பேஸ்' போட்டி உரையாடல்

சமூக வலைத்தளங்களில் புதிது புதிதாக எதையாவது கண்டுபிடித்து அதில் பயனாளர்களை வசீகரிக்க அந்நிறுவனங்கள் முயற்சித்து செய்து வருகின்றன. பேஸ்புக்கில் கடந்த வருடம் 'ரூம்' என்ற ஒன்றைப் புதிதாக ஆரம்பித்தார்கள். ஆனால், அது அவ்வளவாக பிரபலமாகவில்லை. அதே கான்செப்ட்டில் டுவிட்டரில் 'ஸ்பேஸ்' என்பதை ஆரம்பித்து பிரபலமாக்க முயன்று வருகிறார்கள்.

ஏற்கெனவே, டுவிட்டரில் டிரெண்டிங் ஹேஷ்டேக், அதிகப் பதிவுகள், ரிடுவீட் என சினிமா ரசிகர்கள் பல சமயங்களில் போட்டி போட்டு வருகிறார்கள். இந்நிலையில் தற்போது இந்த 'ஸ்பேஸ்' சாதனை மூலமும் போட்டியும், சண்டைகளும் ஆரம்பமாகும் போலத் தெரிகிறது.

நேற்று 'மாநாடு' படத்தின் சிங்கிள் பாடல் வெளியீட்டிற்காக ஒரு ஸ்பேஸ் உரையாடலும், விஜய் பிறந்தநாளை முன்னிட்டு மற்றொரு ஸ்பேஸ் உரையாடலும் டுவிட்டர் தளத்தில் நடந்தது.

இதில் 'மாநாடு' ஸ்பேஸ் உரையாடலுக்கு 12 ஆயிரத்திற்கும் குறைவான பங்கேற்பாளர்களே இருந்தனர். இது பதினைந்து நாட்களுக்கு முன்பு தனுஷ் பங்கேற்க நடந்த 'ஜகமே தந்திரம்' ஸ்பேஸ் உரையாடலில் பங்கேற்ற 18 ஆயிரம் பங்கேற்பாளர்களை விடக் குறைவாகவே அமைந்தது. அதே சமயம் விஜய் பிறந்தநாளை முன்னிட்டு நேற்று நடந்த ஸ்பேஸ் உரையாடலில் 27 ஆயிரம் பேர் கலந்து கொண்டுள்ளனர். இது தமிழ் சினிமா பற்றிய ஸ்பேஸ் உரையாடலில் புதிய சாதனை. அதேசமயம் எதிர்பார்த்ததை விட மிகவும் குறைவு.

ரசிகர்கள் சண்டையிட்டுக் கொள்ள, இன்னும் புதிது புதிதாக எத்தனை கண்டுபிடிக்கப் போகிறார்களோ ?.

• 
  அக்ஷய் குமாரின் ஹிந்தி படத்தில் கெஸ்ட் ரோலில் நடிக்கும் மோகன்லால்
• 
  'பிக் பாஸ்' ஹிந்தி, சீசன் 19 ஆரம்பம்
• 
  இந்தியாவில் 400 கோடி வசூல் கடந்த 'சாயரா'
• 
  பிரியதர்ஷன் படப்பிடிப்புக்காக கேரளாவில் முகாமிட்ட அக்ஷய் குமார் - சைப் ...
• 
  ‛சூ ப்ரம் சோ' கன்னட படத்தை ஹிந்தியில் ரீமேக் செய்ய விரும்பும் அஜய் ...

• 
  ‛ஹிருதயபூர்வம்' படத்தில் கெஸ்ட் ரோலில் மீரா ஜாஸ்மின் ; சென்சார் மூலம் ...
• 
  மலையாளத்தில் சாண்டி நடிகராக அறிமுகமாகும் முதல் படம் ஆக.,28ல் ரிலீஸ்
• 
  தயாரிப்பாளர் மட்டுமல்ல, இயக்குனரும் ஆனார் ரவிமோகன்
• 
  கஞ்சா கடத்தும் காட்டீஸ் : சீலாவதியாக நடிக்கும் அனுஷ்கா
• 
  அடுத்த படம் எது? அல்லாடும் டாப் ஹீரோக்கள்