Dinamalar

தண்ணி வண்டியின் கதை

தம்பி ராமய்யாவின் மகன் உமாபதி நடிக்கும் படம் தண்ணி வண்டி. சமஸ்கிருதி, பால சரவணன், தம்பி ராமய்யா, கன்னட நடிகை வினு தலால் நடிக்கிறார்கள். படம் பற்றி இயக்குனர் மாணிக்க வித்யா கூறியதாவது:

தாயை இழந்த உமாபதி தந்தை தம்பி ராமய்யாவின் அரவணைப்பில் வளர்கிறார். ஆனால் எப்போதுமே அப்பனுக்கும், பிள்ளைக்கும் ஒத்துப்போகாது. தன்னை படிக்க வைத்து பெரிய ஆளாக்கவில்லை என்று தந்தை மீது உமாபதிக்கு கோபம். அவர் தனது நண்பன் பாலசரவணனுடன் இணைந்து கல்யாண வீடு, மற்றும் ஓட்டல்களுக்கு சிறிய வண்டியில் தண்ணிர் சப்ளை செய்கிறவர். பகல் முழுக்க கடுமையாக வேலை செய்துவிட்டு, ராத்திரியானால் குடித்து விட்டு ரகளை செய்வார்கள்.

கதை களம் மதுரை. புதிதாக வருகிறார் மாவட்ட வருவாய் அலுவலர் வினுதலால். அவர் பக்கா நேர்மையான அதிகாரி. அதிரடியான அதிகாரியும்கூட அவருக்கு ஒரு வீக்னஸ் இருக்கிறது. திருமணத்தில் நம்பிக்கை இல்லாத அவர் அதிக ஆண் நண்பர்களை விரும்புவார். அவர்களுடன் ஜாலியா இருந்து விட்டு போரடிக்கும்போது கழற்றி விட்டு விடுவார்.

அவர் ஒரு ஆணுடன் அந்தரங்கமாக இருக்கும் வீடியோ ஒன்று உமாபதிக்கு கிடைத்து விடுகிறது. வினு தலாலால் பாதிக்கப்பட்ட மதுரை பெரும்புள்ளிகள் அவரை பழிவாங்க காத்திருக்கிறார்கள். இந்த வீடியோ அவர்கள் கைக்கு கிடைத்தா, அதை வைத்துக் கொண்டு தண்ணி வண்டி உமாபதி என்ன செய்கிறார் என்பதுதான் படத்தின் கதை. என்றார்.

• 
  நிரப்ப முடியாத வெற்றிடம் : கணவர் தர்மேந்திரா மறைவு குறித்து ஹேமமாலினி ...
• 
  கணவர் மீது புகார் அளித்துள்ள செலினா ஜெட்லி
• 
  ஜோசப் ரீமேக்கை பார்க்காமலேயே தர்மேந்திரா மறைந்து விட்டார் : மலையாள ...
• 
  ஹிந்தியில் மீண்டும் தடம் பதிப்பாரா தனுஷ்?
• 
  சினிமா டூ அரசியல் : பாலிவுட்டின் ‛ஹீ மேன்' தர்மேந்திராவின் வாழ்க்கை ...

• 
  பிரபுவுக்கு ஜோடியாக மஞ்சு வாரியர் நடித்து ஒரு பாடல் படப்பிடிப்புடன் ...
• 
  ‛அஞ்சான்' ரீ ரிலீஸில் வெற்றி பெற்றால் அஞ்சான் 2 உருவாகும் : லிங்குசாமி
• 
  மீண்டும் ரஜினியுடன் இணைந்த விஜய் சேதுபதி?
• 
  ஆண் ஆதிக்கம் இருப்பது கசப்பான உண்மை : கீர்த்தி சுரேஷ்
• 
  'ஆண் பாவம் பொல்லாதது'..... முதல் பட்டியலில் நீளும் ஓடிடி ரிலீஸ்...!