Dinamalar

'காத்து வாக்குல ரெண்டு காதல்' - அனிருத்தின் 25வது படம்

தமிழ்த் திரையுலகின் இளம் இசையமைப்பாளர்களின் முக்கியமானவர் அனிருத். அறிமுகமாகி சில படங்களுக்கு இசையைமத்ததுமே விஜய், அஜித், ரஜினிகாந்த், கமல்ஹாசன் ஆகியோரது படங்களுக்கு இசையமைக்கும் வாய்ப்பைப் பெற்றார்.

2011ம் ஆண்டு வெளிவந்த '3' படத்தின் மூலம் இசையமைப்பாளராக அறிமுகமானார். அந்தப் படத்தில் இடம் பெற்ற 'ஒய் திஸ் கொலவெறி' பாடல் படம் வெளியாவதற்கு முன்பே வெளியாகி அனிருத்தை உலகப் புகழ் பெற வைத்தது. யு டியூபில் முதன் முதலில் அதிக பார்வைகளைப் பெற்ற பாடல் என்ற சாதனையைப் படைத்தது.

தொடர்ந்து அவர் இசையமைத்த பல படங்களின் பாடல்கள் சூப்பர் ஹிட் பாடல்களாகி அவரை முன்னணிக்குக் கொண்டு வந்தது. விஜய் நடித்த 'கத்தி, மாஸ்டர்', அஜித் நடித்த 'வேதாளம், விவேகம்', ரஜினிகாந்த் நடித்த 'பேட்ட, தர்பார்' என முன்னணி நடிகர்களுக்கு இசையமைத்தார்.

சிவகார்த்திகேயனின் ஆஸ்தான இசையமைப்பாளர் அனிருத் தான். அந்தக் கூட்டணியில் 'எதிர் நீச்சல், மான் கராத்தே, காக்கி சட்டை, ரெமோ, வேலைக்காரன்,' ஆகிய படங்கள் வந்துள்ளன. அடுத்து 'டாக்டர்' படத்திலும் இணைந்துள்ளார்கள்.

தெலுங்கில், 'அஞ்ஞாதவாசி, கேங் லீடர், ஜெர்ஸி' ஆகிய படங்களுக்கு இசையமைத்துள்ளார்.

விக்னேஷ் சிவன் இயக்கத்தில் விஜய் சேதுபதி, நயன்தாரா, சமந்தா நடிப்பில் உருவாகும் 'காத்து வாக்குல ரெண்டு காதல்' படம் அனிருத்தின் 25வது படமாக வெளிவர உள்ளது. இப்படத்தின் முதல் சிங்களி காதலர் தினமான பிப்ரவரி 14 அன்று வெளியாக உள்ளது.

இந்தப் படத்திற்குப் பிறகு 'விக்ரம், இந்தியன் 2' ஆகிய படங்கள் வெளிவரலாம்.

• 
  'ஸ்பிரிட்' படத்தை விட்டு வெளியேறிய தீபிகா படுகோனே!
• 
  வார்-2வில் விஜய்யின் ஸ்டைலை காப்பி அடித்த ஹிருத்திக் ரோஷன்
• 
  சொல்லாமல் விலகிய பாலிவுட் நடிகர் மீது 25 கோடி நஷ்ட ஈடு கேட்டு அக்ஷய் குமார் ...
• 
  ''எல்லாமே முதன்முறை... பிகினியும் கூட...'': 'வார் 2' பற்றி கியாரா அத்வானி
• 
  கல்வான் பள்ளத்தாக்கு மோதல் கதையில் உருவாகும் படத்தில் சல்மான் கான்!

• 
  கேரளாவில் ஜெயிலர்-2 படப்பிடிப்பை முடித்துவிட்டு சென்னை திரும்பிய ரஜினி!
• 
  முழுக்க முழுக்க புதுமுகங்களை வைத்து படம் இயக்கும் மணிரத்னம்!
• 
  மீண்டும் தள்ளிப்போனது 'படை தலைவன்' ரிலீஸ்
• 
  அப்துல் கலாம் வாழ்க்கை வரலாற்றில் தனுஷ்
• 
  இலங்கையில் படமாகும் 'மதராஸி' பட கிளைமாக்ஸ்!