Dinamalar

தெலுங்குப்பட டீசரை பாராட்டிய அஜித்

தமிழ் சினிமாவில் திரைப்படம் சம்பந்தப்பட்ட விளம்பர செய்திகளில் அதிகம் அடிபடாதவர் அஜித். அவருடைய படத்தின் பிரமோஷன்களுக்கே அவர் வர மாட்டார். அப்படியிருக்க மற்றவர்களது படத்தை அவர் பாராட்டியிருப்பது அபூர்வமான ஒரு விஷயம்தான்.

தெலுங்கில் குரு பவன் இயக்கத்தில் சுமந்த், ஸ்ரீகாந்த், பூமிகா, தன்யா மற்றும் பலர் நடித்துள்ள 'இதே மா கதா' படத்தின் டீசரை அஜித் பாராட்டியுள்ளதாக அப்படக்குழுவினர் தகவல் வெளியிட்டுள்ளார்கள்.

அதில் படத்தைப் பாராட்டி அஜித், “எனது நீண்ட நாள் நண்பர் ராம்பிரசாத் காரு உங்களது, 'இதே மா கதா' டீசரைக் காட்டினார். டீசரை நான் மிகவும் ரசித்தேன். விஷுவல்களை உண்மையாகவே நேசித்தேன், அவற்றை எடுத்த விதம் அருமை. பைக் ரைடிங் என்பது எனக்கும் மிகவும் பிடிக்கும், அதனால் இந்த டீசரில் உடனடியாக நான கனெக்ட் ஆகிவிட்டேன். உங்கள் அனைவரையும் சீக்கிரமே சந்திக்க ஆசைப்படுகிறேன். வெற்றிகள் கிடைக்க மொத்த குழுவினருக்கும் எனது வாழ்த்துகள்,” எனத் தெரிவித்துள்ளார்.

அஜித்தின் வாழ்த்துகளுக்கு படக்குழுவினர் மிகவும் மகிழ்ந்து நன்றி தெரிவித்துள்ளார்கள். அஜித் குறிப்பிட்டுள்ள ராம்பிரசாத் இந்தப் படத்தின் ஒளிப்பதிவாளர் என்பது குறிப்பிடத்தக்கது.

• 
  நெப்போட்டிசம் பற்றி கிர்த்தி சனோன் பளீச்
• 
  சிங்கத்திற்கு குரல் கொடுக்கும் ஷாருக்கான்
• 
  ஹிந்தியில் ரீ-மேக் ஆகும் தெலுங்கு ‛பேபி'
• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்

• 
  மத்திய அமைச்சர் ராஜ்நாத் சிங்கை சந்தித்து வாழ்த்து பெற்ற அமரன் ...
• 
  எனக்கு கடவுள் நம்பிக்கை அதிகம் - ராஷி கண்ணா
• 
  சூர்யா 45 படத்தில் ‛லப்பர் பந்து' நடிகை
• 
  சிவராஜ் குமாருக்கு பதிலாக விஷால்
• 
  விஜய் மகன் இயக்கும் படத்தில் சந்தீப் கிஷன் : அதிகாரப்பூர்வ அறிவிப்பு