Dinamalar

'ஜகமே தந்திரம்' ஓடிடியில் வெளியீடா?

கார்த்திக் சுப்பராஜ் இயக்கத்தில், தனுஷ், ஐஸ்வர்ய லட்சுமி மற்றும் பலர் நடித்துள்ள படம் 'ஜகமே தந்திரம்'. இப்படம் கடந்த வருடமே வெளிவந்திருக்க வேண்டிய படம். ஆனால், கொரானோ தொற்று காரணமாக தள்ளிப் போய்விட்டது.

இந்நிலையில் இப்படம் நெட்பிளிக்ஸ் ஓடிடி தளத்தில் வெளியாக உள்ளதாக ஒரு தகவல் வெளியாகி உள்ளது. கொரானோ தளர்வுகளுக்குப் பிறகு வெளிவந்த பெரிய படமான 'மாஸ்டர்' படம் நல்ல வசூலைக் கொடுத்தது. அதனால், பலரும் தியேட்டர்களிலேயே படத்தை வெளியிடலாம் என முடிவு செய்திருந்தார்கள்.

'மாஸ்டர்' படம் தியேட்டர்களில் வெளியாகும் என்ற அறிவிப்பு வந்த போது அதற்கு ஆதரவு தெரிவித்தவர் தனுஷ். “விஜய் சாரின் மாஸ்டர் ஜனவரி 13ம் தேதி வெளியாகிறது. சினிமா ரசிகர்களுக்கு இது ஒரு சிறந்த செய்தி. நண்பர்களுடனும், குடும்பத்தினருடனும் தியேட்டர்களில் படம் பார்ப்பதை இது மீண்டும் ஏற்படுத்தும். தியேட்டர்களில் படம் பார்ப்பதை விட சிறந்தது எதுவுமில்லை. தியேட்டர்களில் படம் பார்க்க அனைத்து முன்னெச்சரிக்கையையும் மேற்கொள்ளுங்கள்” என கடந்த மாதம் பதிவிட்டிருந்தார்.

ஆனால், இப்போது தனுஷ் தன்னுடைய படத்தையே ஓடிடி தளத்தில் வெளியிடுவது சரியா என்ற கேள்வி தியேட்டர் வட்டாரங்களில் எழுந்துள்ளது. இது பற்றிய அதிகாரப்பூர்வ அறிவிப்பை தயாரிப்பாளர் வெளியிடுவாரா என்று எதிர்பார்த்துள்ளார்கள்.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  துல்கர் சல்மானுக்கு ஜோடியாக நடிக்க 3 கோடி சம்பளம் வாங்கிய பூஜா ஹெக்டே!
• 
  புகழ்ச்சியை தலையில் ஏற்றிக் கொள்ள மாட்டேன்! : கல்யாணி பிரியதர்ஷன்
• 
  விஜய்யின் தந்தை இயக்குனர் எஸ்.ஏ.சி.,யை டென்ஷன் ஆக்கிய கேள்வி!
• 
  சிம்புவின் ‛அரசன்' படத்தில் இடம் பெறும் மூன்று முன்னணி நடிகைகள்!
• 
  நாகார்ஜுனாவின் 100வது படத்தில் இணையும் நாகசைதன்யா - அகில்