Dinamalar

வார இறுதி - உலக வசூலில் முதலிடத்தில் 'மாஸ்டர்'

பொங்கலை முன்னிட்டு கடந்த வாரம் 13ம் தேதி வெளிவந்த 'மாஸ்டர்' படத்திற்கான உண்மையான வரவேற்பு இன்று(ஜன., 18) முதல் தான் தெரியும். சுமார் பத்து மாதங்களாக தியேட்டர்கள் பக்கமே போகாத மக்களும், விஜய் படம் என்பதால் 'மாஸ்டர்' படத்தைத் தியேட்டர்களில் சென்று பார்த்தனர். பொங்கல் விடுமுறை நாட்கள் என்பதாலும் படத்திற்கு எதிர்பார்த்ததை விட வரவேற்பு அதிகமாகவே கிடைத்தது.

50 சதவீத இருக்கைகளில் இப்படம் வசூலித்த தொகை யாரும் எதிர்பார்க்காத ஒன்றுதான். அது உலக அளவிலும் எதிதொலித்துள்ளது. ஜனவரி 15 முதல் 17 முடிய கடந்த வார இறுதி நாட்களில் 'மாஸ்டர்' உலக அளவில் 23 மில்லியன் யுஎஸ் டாலரை வசூலித்து முதலிடத்தைப் பிடித்துள்ளது.

மற்ற ஹாலிவுட் படங்களைக் காட்டிலும் இப்படம் இரு மடங்கு வசூலைப் பெற்றுள்ளது குறிப்பிடத்தக்கது. இரண்டாவது இடத்தில் 'எ லிட்டில் ரெட் பிளவர்' படம் 11.75 மில்லியன் யுஎஸ் டாலரை மட்டுமே வசூலித்துள்ளது.

தியேட்டர்கள் திறக்கப்பட்ட பல வெளிநாடுகளிலும் 'மாஸ்டர்' படத்தைப் பார்க்க மக்கள் அதிக ஆர்வம் காட்டியதாகத் தகவல்கள் தெரிவிக்கின்றன. பல்வேறு விமர்சனங்களுக்கிடையில் இப்படம் தென்னிந்திய அளவிலும், உலக அளவிலும் லாபத்தைப் பெற்றுவிடும் என்கிறார்கள். ஹிந்தியில் மட்டுமே இப்படம் கடந்த வாரத்தில் வெறும் 2 கோடியை மட்டுமே வசூலித்து தோல்வியைக் கண்டுள்ளது.

• 
  ஹிந்தி பட வசூலில் நம்பர் 1 சாதனை புரிந்த 'ஸ்திரீ 2'
• 
  'எமர்ஜென்சி' விவகாரம் : கங்கனாவிற்கு நீதிமன்றம் நோட்டீஸ்
• 
  'லவ் அண்ட் வார்' ரிலீஸ் தேதி அறிவிப்பு: 2 வருடங்களுக்கு பிறகு ...
• 
  திருமண மோதிரம் 'மிஸ்ஸிங்' : மீண்டும் பிரிவு சர்ச்சையில் ஐஸ்வர்யா ராய்
• 
  என் தந்தையே எனது மிகப்பெரிய விமர்சகர் : பாடகி டூ நடிகை த்வானி பனுஷாலி ...

• 
  பாலியல் புகார் எதிரொலி ; ஜானி மாஸ்டரின் மனைவியும் கைதாகிறார்
• 
  ஜெயிலர் விநாயகன் போல வேட்டையனால் வெளிச்சம் பெறுவாரா சாபுமோன் ?
• 
  துப்பாக்கி கனம் எப்படி இருக்கு?: சிவகார்த்திகேயன் சொன்ன பதில்
• 
  புதிய வெப் தொடரில் சமந்தா
• 
  ரஜினி இப்போதும் ஜொலிப்பதன் காரணம்: அமிதாப்பச்சன் உடைத்த ரகசியம்