ராகவா லாரன்ஸிற்கு ஜோடியாக பிரியங்கா மோகன் | ''தமிழ் ஐசியூ.,வுல இருக்கு; எங்க போனாலும் தலைநிமிர்ந்து தமிழ்ல பேசுங்க'': செல்வராகவன் வலியுறுத்தல் | நடிகைகளே பொறாமைப்பட்ட நாயகி சில்க் ஸ்மிதா | உறவுகளின் மேன்மையைச் சொல்கிறதா 'மெய்யழகன்' டிரைலர் | ரஜினியின் வேட்டையன் படத்தின் முக்கிய கதைக்கரு வெளியானது! | பவன் கல்யாண் படத்தில் சிம்பு பாடிய பாடல் விரைவில் வெளியீடு | மற்றவர்களின் வாழ்க்கையை கெடுக்காதீர்கள்! ஜெயம் ரவி விவகாரத்தில் களம் இறங்கிய பாடகி கெனிஷா!! | அக். 2ல் வெளியாகும் வேட்டையன் பட டிரைலர் | கின்னஸ் சாதனை படைத்த சிரஞ்சீவி | ஜானி டெப்புக்கு வாழ்நாள் சாதனையாளர் விருது |
விஜய், விஜய் சேதுபதி, மாளவிகா மோகனன் மற்றும் பலர் நடித்துள்ள 'மாஸ்டர்' படம் ஜனவரி 13ம் தேதி தியேட்டர்களில் வெளியாக உள்ளது. இப்படத்தின் சென்சார் கடந்த மாதம் நடந்து முடிந்தது.
படத்திற்கு 'யு-ஏ' சான்றிதழ் வழங்கப்பட்டுள்ளது. படத்தில் இடம் பெற்ற சில காட்சிகள், வசனங்களை நீக்கினால் 'யு' சான்றிதழ் வழங்கப்படும் என சென்சாரில் சொன்னதாகத் தகவல் வெளியானது. ஆனால், படக்குழுவினர் 'யு-ஏ' சான்றிதழே போதும் என சம்மதித்து வாங்கிவிட்டதாகச் சொன்னார்கள்.
இருப்பினும் சில கெட்ட வார்த்தைகள், சில வன்முறைக் காட்சிகள் ஆகியவற்றை நீக்கிய பிறகே படத்திற்கு 'யு-ஏ' சான்றிதழைக் கொடுத்திருக்கிறார்கள். சென்சாரில் நீக்கப்பட்ட இந்தக் காட்சிகளின் விவரங்களும், மாற்றப்பட்ட சில காட்சிகளின் விவரங்களும் அடங்கிய சான்றிதழ் நேற்று சமூக வலைத்தளங்களில் வெளியானது.
படத்தின் மொத்த நீளம் 178 நிமிடங்கள். அதாவது மூன்று மணி நேரத்திற்கு இரண்டு நிமிடங்கள் மட்டுமே குறைவு. கடந்த சில வருடங்களில் மூன்று மணி நேரப் படங்கள் வெளியீட்டிற்குப் பிறகு படம் நீளம் என்று விமர்சனங்கள் வந்த பிறகு குறைக்கப்பட்டிருக்கின்றன.
இது விஜய் படம் என்பதால் அப்படி நடக்குமா என்பது தெரியவில்லை. விஜய் படம் என்றால் முப்பது மணி நேரம் கூடப் பார்க்கத் தயார் என அவர்களது ரசிகர்கள் சொல்வார்கள்.