Dinamalar

'மிராய்' பட்ஜெட் 60 கோடிதானா?

கார்த்திக் கட்டம்னேனி இயக்கத்தில், தேஜா சஜ்ஜா, மஞ்சு மனோஜ், ரித்திகா நாயக், ஸ்ரேயா மற்றும் பலர் நடிப்பில் இந்த வாரம் வெளிவந்த தெலுங்குப் படம் 'மிராய்'. கடவுள் இல்லை என்று சொல்லும் வில்லனை எதிர்த்து கடவுள் பக்தி கொண்ட நாயகன் தெய்வீக சக்தியால் என்ன செய்கிறார் என்பதுதான் படத்தின் கதை. ஆன்மிகத்தின் சக்தியை உணர்த்தும் படமாக வெளிவந்துள்ள இப்படத்திற்கு ரசிகர்கள் நல்ல வரவேற்பு கொடுத்துள்ளார்கள்.

படத்தில் இடம் பெற்றுள்ள விஎப்எக்ஸ் காட்சிகள் ரசிகர்களை ஆச்சரியப்படுத்தியுள்ளன. பிரம்மாண்ட கழுகு, சண்டைக் காட்சிகள், கிளைமாக்ஸ் காட்சி ஆகியவை ஹாலிவுட் படத்திற்கு இணையாக இருக்கின்றன என ரசிகர்கள் பாராட்டுகிறார்கள். 400, 500 கோடி செலவு செய்து எடுக்கப்பட்ட படங்களில் கூட அவ்வளவு தரமான விஎப்எக்ஸ் காட்சிகள் இடம் பெற்றதில்லை என்பது பலரது கருத்தாக உள்ளது. ஆனால், இந்தப் படத்தின் பட்ஜெட் வெறும் 60 கோடிதான் என்கிறார்கள்.

படத்தில் நடித்த நாயகன், வில்லன் ஆகியோருக்கு 5 கோடிக்கும் குறைவாகத்தான் சம்பளம் தந்துள்ளார்களாம். மொத்தமாக 10 கோடி சம்பளம், தயாரிப்பு செலவு 50 கோடி என உருவாக்கப்பட்டுள்ள இந்தப் படம் எப்படியும் 200 கோடி வசூலைக் கடக்கும் என்று சொல்கிறார்கள்.

தேஜா சஜ்ஜா இதற்கு முன்பு நாயகனாக நடித்த 'ஹனுமான்' படம் 300 கோடி வசூலைப் பெற்றது என்பது குறிப்பிட வேண்டிய ஒன்று.

• 
  தனுஷை தொடர்ந்து கார்த்தியை இயக்கும் எச்.வினோத்?
• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்
• 
  படங்களின் லாப நட்ட கணக்கை ஏன் வெளியே சொல்ல வேண்டும் ? நிவின்பாலி கேள்வி

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி