Dinamalar

நானி படத்துக்காக பிரமாண்ட குடிசை செட்

ஸ்ரீகாந்த் ஓடேலா இயக்கத்தில் நானி நடிக்கும் படம் 'தி பாரடைஸ்'. அனிருத் இசையமைக்கிறார். தமிழ், ஹிந்தி, தெலுங்கு, தமிழ், ஆங்கிலம், ஸ்பானிஷ், வங்காளம், கன்னடம் மற்றும் மலையாளம் ஆகிய 8 மொழிகளில் அடுத்த ஆண்டு மார்ச் 26ல் ரிலீஸ் ஆக உள்ளது. இந்த படத்துக்காக ஐதராபாத்தில் மிகப்பெரிய “குடிசைப்பகுதி” செட் அமைத்து இருக்கிறார்கள்.

30 ஏக்கர் பரப்பளவில், இதுவரை இந்திய சினிமா வரலாற்றிலேயே அமைக்கப்படாத மிகப்பெரிய குடிசை பகுதியை பல தொழில்நுட்ப வல்லுனர்கள் துணையுடன் உருவாக்கி இருக்கிறார்கள்.. பாகுபலி படத்தில் வரும் மகிழ்மதி பேரரசை போல், இங்கு குடிசைப்பகுதி பேரரசு உருவாக்கப்படுகிறது. கதாநாயகன் குடிசைப்பகுதியில் பிறந்து அங்கேயே வளர்ந்து, பின்னர் உச்சத்துக்குச் செல்வதாக கதை நகர்வதால் 'ஸ்லம்ஸ்களின் பாகுபலி' மாதிரி செட்டை வடிவமைத்து இருக்கிறார்களாம்.

நானி, கீர்த்தி சுரேஷ் நடித்த 'தசரா' படத்தை இயக்கியவர் ஸ்ரீகாந்த் ஓடேலா. தெலுங்கில் பிரபல ஹீரோவாக இருந்தாலும், நானியால் தமிழ் மார்க்கெட்டை பிடிக்க முடியவில்லை. தனது படங்களை தமிழில் ரிலீஸ் செய்கிறார். சென்னையில் நடக்கும் பட புரமோஷன்களில் கலந்துகொள்கிறார். ஆனாலும், தமிழில் நானிக்கு வெற்றி கிடைக்கவில்லை. தி பாரடைஸ் படத்திலாவது அதிர்ஷ்டம் அடிக்குமா என்பது அடுத்த ஆண்டு தெரிய வரும்.

• செய்திகள்
• ஆல்பம்
• வந்த படங்கள்

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  கனவு நனவானது போல இருக்கிறது : நிதி அகர்வால்
• 
  பிளாஷ்பேக்: வெள்ளித்திரையில் வேற்று கிரகவாசிகளை காண்பித்த முதல் ...
• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...