Dinamalar

புது சாதனை படைக்குமா 'கூலி' டிரைலர்

லோகேஷ் கனகராஜ் இயக்கத்தில், அனிருத் இசையமைப்பில், ரஜினிகாந்த், ஸ்ருதிஹாசன், நாகார்ஜுனா மற்றும் பலர் நடிப்பில் உருவாகியுள்ள 'கூலி' படத்தின் டிரைலர் இன்று இரவு 7 மணிக்கு வெளியாக உள்ளது. இதற்கான விழா இன்று மாலை சென்னையில் நடைபெற உள்ளது. ரஜினி இன்று என்ன பேசப் போகிறார் என பலரும் ஆவலுடன் காத்திருக்கிறார்கள்.

அது ஒரு புறமிருக்க, லோகேஷ் - ரஜினி முதல் முறையாகக் கூட்டணி சேர்ந்துள்ள 'கூலி' படத்தின் டிரைலர் முந்தைய தமிழ் சினிமா டிரைலர் சாதனைகளை முறியடிக்குமா என்ற ஒரு எதிர்பார்ப்பும் எழுந்துள்ளது. லோகேஷ், விஜய் கூட்டணி இணைந்த 'லியோ' படத்தின் டிரைலர் 2023ல் யு டியூபில் வெளியாகி 24 மணி நேரத்தில் 32 மில்லியன் பார்வைகளைப் பெற்றிருந்தது. அந்த சாதனையை விஜய் நடித்து வெளிவந்த 'தி கோட்' டிரைலர் முறியடித்தது.

ரஜினி படங்களில் 'ஜெயிலர்' டிரைலர் 24 மணி நேரத்தில் 10.4 மில்லியன்கள் பெற்றதே அவருடைய அதிகபட்ச சாதனையாக உள்ளது.

லோகேஷ், ரஜினி கூட்டணி முந்தைய தமிழ் சினிமா டிரைலர்களின் சாதனையை முறியடிக்கும் என்று எதிர்பார்ப்பு அவர்களது ரசிகர்களிடம் எழுந்துள்ளது. இந்தப் படத்தில் மற்ற மொழி மல்டிஸ்டார்கள் நடித்திருப்பதால் மற்ற மொழிகளிலும் டிரைலரைப் பார்க்க ஆர்வம் காட்டுவார்கள். இன்னும் சில மணி நேரங்களில் இதன் டிரென்ட் எப்படி இருக்கும் என்று தெரிந்துவிடும்.

• 
  மன்னிக்க முடியாதது : ஹேமமாலினி கோபம்
• 
  தீவிர மருத்துவ சிகிச்சையில் நடிகர் தர்மேந்திரா : உடல்நிலையில் ...
• 
  ஷாரூக்கானின் கிங் படத்தில் இணைந்த ஹாலிவுட் ஸ்டன்ட் மாஸ்டர்கள்
• 
  நகை கடத்தல் நடிகையின் கூட்டாளி நடிகருக்கு சிறையில் சொகுசு வசதி ; வெளியான ...
• 
  இரண்டு கைகளிலும் கடிகாரம் அணிவது ஏன் ? ; அபிஷேக் பச்சனின் அடடே விளக்கம்

• 
  மகனை வாழ்த்தாத அப்பா : பேரனை உற்சாக படுத்தாத தாத்தா
• 
  கொரியன் படத்தில் நடிக்க ஆர்வம் காட்டும் ராஷ்மிகா மந்தனா
• 
  முதன்முறையாக தமிழில் அனுராக் காஷ்யப் கதையின் நாயகனாக நடிக்கும் ...
• 
  ரஜினி 173வது படத்தில் கெஸ்ட் ரோலில் நடிக்கிறாரா கமல்?
• 
  பராசக்தி படத்தின் டப்பிங் பணியில் ரவி மோகன்