Dinamalar

ஜிம்முக்கு போகாமலேயே 26 கிலோ எடை குறைத்த போனி கபூர்

பிரபல பாலிவுட் தயாரிப்பாளரும் மறைந்த நட்சத்திர நடிகை ஸ்ரீதேவியின் கணவருமான போனி கபூர் கடந்த சில வருடங்களாகவே தமிழில் மட்டும் மிகுந்த கவனம் செலுத்தி படங்களை தயாரித்து வந்தார். குறிப்பாக அஜித் நடித்த படங்களை தொடர்ந்து தயாரித்து வந்த போனி கபூர் தற்போது தனது பார்வையை மீண்டும் பாலிவுட் பக்கம் திருப்பி 'நோ என்ட்ரி 2' என்கிற படத்தை தயாரித்து வருகிறார். வருண் தவான், அர்ஜுன் கபூர் ஆகியோர் இதில் நடிக்கின்றனர்.

இந்த நிலையில் போனி கபூர் தனது சோசியல் மீடியா பக்கத்தில் தனது லேட்டஸ்ட் புகைப்படங்களை வெளியிட்டுள்ளார். அதில் கடந்த சில மாதங்களுக்கு முன்பு பார்த்த போனி கபூரா இவர் என்று சொல்லும் அளவிற்கு பென்சில் போல ரொம்பவே ஒல்லியாக எடை குறைத்து காணப்படுகிறார். கிட்டத்தட்ட 26 கிலோ எடையை குறைத்துள்ளார் 68 வயதான போனி கபூர். இதற்காக உடற்பயிற்சி செய்வதற்காக ஜிம்முக்கு எல்லாம் போகாமல் வீட்டிலேயே உணவு முறையில் டயட்டை கடைபிடித்து இதை சாதித்து இருக்கிறார்.

இது குறித்து அவர் கூறும்போது, “என் மனைவி ஸ்ரீதேவி எப்போதுமே உடல் எடையை கட்டுக்கோப்பாக வைத்துக் கொள்ளுங்கள் என்றும் முடி மாற்று சிகிச்சை செய்து கொள்ளுங்கள் என்றும் வலியுறுத்தி வந்தார். அந்த சமயத்தில் அவர் அறிவுரைப்படி 14 கிலோ குறைத்தேன். அதன் பிறகு எனது தலையில் 6000 முடிகளை நட்டு செயற்கை முடி மாற்றமும் செய்து கொண்டேன்” என்று கூறியுள்ளார் போனி கபூர். சமீப வருடங்களாக உடல் எடையை கவனிக்காமல் இருந்த போனி கபூர் மீண்டும் தனது மனைவியின் ஆலோசனையை மனதில் கொண்டு இப்படி உடல் எடையை குறைத்துள்ளார் என்றே தெரிகிறது.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பிளாஷ்பேக்: வெள்ளித்திரையில் வேற்று கிரகவாசிகளை காண்பித்த முதல் ...
• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்