Dinamalar

'தண்டட்டி' இயக்குனர் படத்தில் கவின்

பசுபதி, ரோகிணி நடித்த 'தண்டட்டி' படத்தை இயக்கியவர் ராம்சங்கையா. அந்த படம் பெரியளவில் ஹிட் ஆகாவிட்டாலும், கதை, நடிப்புக்காக பேசப்பட்டது. பாட்டியான ரோகிணி இறந்துபோக, அன்று இரவே அவரின் தண்டட்டி காணாமல் போகிறது. அதை கண்டுபிடிக்காமல் பிணத்தை எடுக்க விடமாட்டோம் என்று உறவினர்கள் பிரச்னை பண்ண, போலீசான பசுபதி தவிக்க, என்ன நடக்கிறது என்று கதை நகரும்.

ஒரு துக்க வீட்டு பின்னணியில் அழுத்தமான கதை கொடுத்து இருந்தார் ராம்சங்கையா. 2023ல் படம் வெளியானது. அந்த படத்தை தயாரித்த பிரின்ஸ் பிக்சர்ஸ் தயாரிக்கும் இன்னொரு படத்தை ராம் சங்கையா இயக்குகிறார். அதில் கவின் ஹீரோவாக நடிக்கிறார். இது பிரின்ஸ் பிக்சர்ஸ் தயாரிக்கும் 18வது படம். இந்த படம் தவிர, கவுதம் ராம் கார்த்திக், ஆர்யா நடிக்கும் 'மிஸ்டர் எக்ஸ்' படத்தையும், கார்த்தி நடிக்கும் 'சர்தார் 2' படத்தையும் தயாரிக்கிறது பிரின்ஸ் பிக்சர்ஸ்.

நேற்று கவின் படத்தின் பூஜை சிம்பிளாக நடந்த நிலையில், விரைவில் ஹீரோயின் மற்றும் தொழில்நுட்ப கலைஞர்கள் அறிவிக்கப்பட உள்ளனர். கடந்த ஆண்டு வெளியான 'லப்பர் பந்து' படத்தையும் தயாரித்தது பிரின்ஸ் பிக்சர்ஸ்தான் என்பதும் குறிப்பிடத்தக்கது. கார்த்தியின் நண்பரான லட்சுமணன் குமார் இந்த நிறுவனத்தை நடத்தி வருகிறார். இந்த படம் தவிர 'கிஸ்' என்ற படத்தில் நடித்துள்ளார் கவின். விரைவில் கிஸ் ரிலீஸ் ஆகிறது.

• செய்திகள்
• வந்த படங்கள்

• 
  நீதிமன்றம் கெடுபிடி : வெளிநாட்டு பயணத்தை ரத்து செய்த ஷில்பா ஷெட்டி
• 
  ஒரு டஜன் வாழைப்பழம் மட்டும் சம்பளமாக பெற்றுக்கொண்டு நடித்த கோவிந்தா
• 
  அரிய நோயால் பாதிக்கப்பட்டுள்ள பூமி பட்னேகர்
• 
  தீபிகா படுகோனேவின் குரல் இனி மெட்டா ஏஐ-யில் ஒலிக்கும்
• 
  மாதவனை பழிக்குப்பழி வாங்கி விட்டேன் : அஜய் தேவ்கன் பகிர்ந்த சுவாரஸ்ய ...

• 
  நடிகைகளை இதற்கு மட்டுமே பயன்படுத்துகிறார்கள் : ராதிகா ஆப்தே ஆதங்கம்
• 
  நிபந்தனையுடன் துல்கர் சல்மானின் லேண்ட்ரோவர் கார் திரும்ப ஒப்படைப்பு
• 
  கூகுள் கிளவுட் உடன் இணைந்த ஏஆர் ரஹ்மான்
• 
  எனக்கு பிடித்தமான ஹீரோ நானி : ருக்குமணி வசந்த்
• 
  சூர்யா 47- வது படத்தில் இணையும் பஹத் பாசில்