Dinamalar

'தி ராஜா சாப்' டீசர் : தன் முந்தைய சாதனையை முறியடிக்காத பிரபாஸ்

'பாகுபலி' படத்திற்குப் பிறகு பான் இந்தியா நடிகராக உயர்ந்தவர் பிரபாஸ். அதன்பின் அவர் நடிக்கும் படங்களின் டீசர், டிரைலர் ஆகியவை வெளிவந்தால் அவை யு டியூப் தளங்களில் அதிகப் பார்வைகளைப் பெறுபவையாக இருந்தன. தொடர்ந்து பிளாக் பஸ்டர் ஹிட்களைத் தரவில்லை என்றாலும் அவர் நடித்து கடைசியாக வெளிவந்த 'கல்கி 2898 ஏடி' படம் 1000 கோடி வசூலைக் கடந்தது.

பிரபாஸ் தற்போது நடித்து வரும் 'தி ராஜா சாப்' படத்தின் டீசர் நேற்று 5 மொழிகளில் வெளியானது. 24 மணி நேரத்தில் அந்த டீசர்கள் புதிய சாதனையைப் படைக்கும் என்று எதிர்பார்க்கப்பட்டது. ஆனால், ஒட்டு மொத்தமாகவும் அனைத்து மொழிகளுக்கும் சேர்த்து 31 மில்லியன் பார்வைகளை மட்டுமே பெற்றுள்ளது.

தெலுங்கில் 13.8 மில்லியன், ஹிந்தியில் 10 மில்லியன், தமிழில் 2.8 மில்லியன், மலையாளத்தில் 2.3 மில்லியன், கன்னடத்தில் 2.2 மில்லியன் என 24 மணி நேரத்தில் பார்வைகளைப் பெற்றுள்ளன.

பிரபாஸ் நடித்து இதற்கு முன்பு வெளிவந்த 'ராதே ஷ்யாம்' டீசர் 24 மணி நேரத்தில் 42 மில்லியன் பார்வைகளைப் பெற்றது. தெலுங்கு டீசர் மட்டும் என்று எடுத்துக் கொண்டாலும் 'தி ராஜா சாப்' டீசர், பிரபாஸின் 'சாஹோ' டீசரின் 24 மணி நேர பார்வையான 12.9 மில்லியனை விட சற்றே அதிகமான பார்வைகளையே பெற்றுள்ளது.

பேய், பேண்டஸி என இருக்கும் 'தி ராஜா சாப்' டீசர் பிரபாஸுக்கு மாறுபட்ட படமாக அமையுமா என்பது படம் வெளிவந்த பிறகே தெரியும்.

• 
  மறைந்த தாயார் ஸ்ரீதேவி அணிந்த நீல நிற சேலையில் கவனம் பெற்ற ஜான்வி கபூர்!
• 
  ராம்லீலா நாடகத்திலிருந்து பூனம் பாண்டே நீக்கம்
• 
  ஹிந்தியில் அறிமுகமாகும் அர்ஜுன் தாஸ்
• 
  தாய்மையை அறிவித்த கத்ரினா கைப்
• 
  மோடியாக நடிக்கும் உன்னி முந்தனுக்கு உடனடியாக ஹிந்தியில் ஒப்பந்தமான ...

• 
  தான் இறந்து விட்டதாக வதந்தி! பதிலடி கொடுத்த நடிகர் பார்த்திபன்!!
• 
  செக் மோசடி வழக்கிலிருந்து ராம்கோபால் வர்மாவை விடுவித்த நீதிமன்றம்
• 
  'காந்தாரா சாப்டர்-1' பட விழாவில் கண்ணீர் விட்ட ருக்மணி வசந்த்!
• 
  சிவராஜ்குமாரை நேரில் சென்று சந்தித்த மஞ்சு மனோஜ்
• 
  சூர்யாவின் 'கருப்பு' படம் குறித்து நட்டி நடராஜ் வெளியிட்ட தகவல்!