Dinamalar

தெலுங்கு இயக்குனர்களுடன் மூன்றாவது முறை கூட்டணியில் சூர்யா

தமிழ் சினிமாவில் முன்னணியில் உள்ள நடிகர்கள் அடுத்த மொழி இயக்குனர்களுடன் அவ்வளவு சீக்கிரத்தில் கூட்டணி சேர மாட்டார்கள். மலையாள இயக்குனர்கள் சிலர் மட்டும் இதற்கு விதிவிலக்கு.

தமிழ் சினிமாவில் அடுத்தடுத்து தோல்விகளை சந்தித்து வரும் சூர்யா அடுத்ததாக வெற்றிமாறன் இயக்கத்தில் 'வாடிவாசல்' படத்தில் நடிப்பார் என்று எதிர்பார்க்கப்பட்டது. ஆனால், அந்தப் படத்தின் தற்போதைய நிலை என்னவென்பது தெரியவில்லை.

இதனிடையே, தெலுங்கு இயக்குனரான வெங்கி அட்லூரி இயக்கத்தில் சூர்யா நடிக்கும் 46வது படத்தின் படப்பிடிப்பு இன்று ஆரம்பமாகி உள்ளது. தெலுங்கு இயக்குனர்களுடன் சூர்யா கூட்டணி வைக்கும் மூன்றாவது படம் இது.

இதற்கு முன்பு 2010ல் வெளிவந்த தெலுங்கு, ஹிந்திப் படமான 'ரத்த சரித்திரம்' படத்தின் இரண்டு பாகங்களிலும் நடித்திருந்தார் சூர்யா. அதற்கடுத்து 2016ல் வெளிவந்த '24' படத்தில் தெலுங்கு இயக்குனரான விக்ரம் குமாருடன் கூட்டணி அமைத்தார். அதற்கடுத்து நீண்ட இடைவெளிக்குப் பின் வெங்கி அட்லூரியுடன் கூட்டணி அமைத்துள்ளார்.

தனுஷ் நடித்து வெளிவந்த 'வாத்தி' படம் இயக்குனர் வெங்கியை தமிழ் ரசிகர்களுக்கும் தெரிய வைத்தது. கடந்த வருடம் அவர் இயக்கத்தில் வெளிவந்த 'லக்கி பாஸ்கர்' படமும் பெரிய வெற்றியைப் பெற்றது. வெங்கி - சூர்யா கூட்டணி அமைத்துள்ள சூர்யாவின் 46வது படம் தமிழ், தெலுங்கில் உருவாகிறது.

• இவரை பற்றி
• செய்திகள்
• ஆல்பம்
• வீடியோ
• வந்த படங்கள்

• 
  பிரதமர் மோடியின் அம்மா வேடத்தில் நடிக்கும் ரவீனா டாண்டன்
• 
  நலமாக இருக்கிறேன் : மருத்துவமனையிலிருந்து வீடு திரும்பினார் கோவிந்தா
• 
  நலமுடன் வீடு திரும்பினார் தர்மேந்திரா
• 
  சோஷியல் மீடியாவில் திடீரென வைரலான 'கிரிஜா ஓக் காட்போலி'
• 
  மன்னிக்க முடியாதது : ஹேமமாலினி கோபம்

• 
  ஆண்களுக்கும் 'பீரியட்ஸ்' ; சலசலப்பை கிளப்பிய ராஷ்மிகாவின் கருத்துக்கு ...
• 
  ரூ.100 கோடி வசூலை குவித்த 'டியூட்' முதல் வரிசை கட்டும் இந்த வார ஓடிடி ...
• 
  ஜேசன் சஞ்சய் எடுத்த சரியான முடிவு : விக்ராந்த் வெளியிட்ட தகவல்
• 
  லோகா படத்தின் புதிய பாகத்தில் மம்முட்டி : துல்கர் சல்மான் தகவல்
• 
  சின்மயியிடம் தொடர்ந்து கோரிக்கை வைத்த ஜானி மாஸ்டரின் மனைவி