Dinamalar

'முத்த மழை' சர்ச்சை பற்றி எதுவும் பேசாத தீ

'தக் லைப்' படம் வெளிவந்து அது பற்றிய விமர்சனங்கள், கமெண்ட்டுகள், மீம்ஸ்கள் ஆகியவற்றை நேற்றுடன் ஏறக்குறைய முடித்துவிட்டார்கள் ரசிகர்கள். அடுத்து எந்த பெரிய படம் வெளிவரும், அதுவரை காத்திருப்போம் என சமூக வலைதள பயன்பாட்டாளர்களும் காத்திருக்கிறார்கள்.

அதே சமயம் 'தக் லைப்' படத்தின் வெளியீட்டிற்கு முன்பு ஒரு பரபரப்பை ஏற்படுத்திய 'முத்த மழை' பாடல், வெளியீட்டிற்குப் பிறகும் ஒரு பரபரப்பை ஏற்படுத்தியது. தமிழில் தீ பாடிய பாடல், படத்திலேயே இல்லாமல் போய்விட்டது. ஆனால், மேடையில் பாடிய சின்மயி-ன் பாடல் படத்தின் ஆடியோ வடிவங்களில் இடம் பெற்றுவிட்டது. படத்தில் பாடல் இல்லாதது தீ-க்கு ஏமாற்றமும், ஆடியோ பட்டியலில் சேர்ந்துவிட்டதே என்ற மகிழ்ச்சியும் சின்மயிக்குக் கிடைத்தது.

தீ பாடியது சிறப்பாக இருந்ததா, சின்மயி பாடியது சிறப்பாக இருந்ததா என்ற சர்ச்சை மட்டும் இன்னமும் போய்க் கொண்டிருக்கிறது. இலங்கையில் பிறந்து, ஆஸ்திரேலிய நாட்டின் குடியுரிமை வைத்திருக்கும் தீ-க்கு படத்தின் இசை வெளியீட்டு விழாவில் கலந்து கொள்ள விசா கிடைக்காமல் போனதால்தான் அவர் வந்து பாட முடியவில்லை என்ற ஒரு தகவல் வெளியாகி உள்ளது.

இவ்வளவு சர்ச்சைகள் வந்த பின்பும் பாடல் பற்றி சமூக வலைதளங்களில் எந்த ஒரு பதிவும் தீ போடாமல் இருப்பது ரசிகர்களுக்கு ஆச்சரியத்தை ஏற்படுத்தியுள்ளது.

• 
  அமெரிக்காவில் ஜாக்கி சானுடன் ஹிருத்திக் ரோஷன் சந்திப்பு
• 
  மீண்டும் ரா ஏஜென்ட் கபீர் ரோலில் ஹிருத்திக் ரோஷன்
• 
  ஹிந்தி நடிகர் சதீஷ் ஷா காலமானார்
• 
  பவர்புல்லான சவுண்ட் ஸ்டோரி : விவேக் ஓபராய்
• 
  பாலிவுட் என்று அழைக்காதீர்கள் : ஜெயா பச்சன் காட்டம்

• 
  தமிழில் இயக்குனர் ஆனார் ஷாலின் ஜோயா : 90களில் நடக்கும் கதை, பிரிகிடா ...
• 
  பொங்கல் ரேசில் இணைந்த இன்னொரு படம்
• 
  'ப்ரோ கோடு' தலைப்பிற்கு சிக்கல்: டில்லி உயர்நீதிமன்ற தடையால் தலைவலி
• 
  ரியோவுக்கு பிடித்த ஹீரோயின் : மனைவி சொன்ன பதில்
• 
  காதலருடன் புதிய படத்திற்கு பூஜை போட்ட சமந்தா