Dinamalar

'கண்ணப்பா' படத்தின் ஹார்ட் டிஸ்க் மாயம்?: பட ரிலீசுக்கு சிக்கலா?

தெலுங்கு நடிகர் விஷ்ணு மஞ்சு, தற்போது 'கண்ணப்பா' என்கிற புராண படத்தை தயாரித்து அதில் கதாநாயகனாக நடித்து வருகிறார். முகேஷ் குமார் சிங் இயக்கியுள்ளார். ஜூன் 27ம் தேதி ரிலீஸ் என ஏற்கனவே அறிவித்துள்ளனர். பான் இந்திய படமாக இது உருவாகியுள்ளதால் அதற்கேற்றபடி மலையாளத்தில் இருந்து மோகன்லால், பாலிவுட்டில் இருந்து அக்ஷய் குமார் மற்றும் தெலுங்கில் இருந்து நடிகர் பிரபாஸ் ஆகியோர் மூன்று முக்கிய வேடங்களில் நடித்துள்ளனர்.

இந்நிலையில் 'கண்ணப்பா' படத்தின் முக்கியமானக் காட்சிகள் அடங்கிய ஹார்ட் டிஸ்க் காணாமல் போனதாக தகவல் வெளியாகியுள்ளது. மும்பையில் உள்ள ஹைவ் ஸ்டூடியோவில் இருந்து ஹார்ட் டிஸ்க், கொரியர் மூலம் டுவென்டி போர் பிரேம்ஸ் பேக்டரி என்ற நிறுவனத்திற்கு அனுப்பியுள்ளனர். அதனை மே 25ம் தேதி அந்நிறுவனத்தின் ரகு என்பவர் பெற்றுக்கொண்டு, சரிதா என்ற மற்றொரு ஊழியரிடம் கொடுத்துள்ளார். அதனை வாங்கிய சரிதா, அடுத்த சில நிமிடங்களில் தலைமறைவாகியுள்ளார்.

இதுப்பற்றி அந்நிறுவனத்தின் ரெட்டி விஜயகுமார் போலீசில் புகாரளித்துள்ளார். அதில் ஹார்ட் டிஸ்க்கில் இடம்பெற்றுள்ள காட்சிகள், தகவல்கள் கசிந்தாலோ, நீக்கப்பட்டாலோ, தனது நிறுவனம் ஈடுசெய்ய முடியாத நிதி இழப்பை சந்திக்கும். ஹார்ட் டிஸ்க்கை மீட்டு உடனடியாக தன்னிடம் ஒப்படைக்குமாறு கூறியுள்ளார். வழக்குப்பதிவு செய்த போலீசார் சரிதா என்பவரை தேடி வருகின்றனர். ரிலீசுக்கு இன்னும் சரியாக ஒரு மாதமே இருக்கும் நிலையில், இந்த சம்பவத்தால் படத்தின் ரிலீசுக்கு பாதிப்பை ஏற்படுத்துமோ என படக்குழுவினர் அதிர்ச்சியில் உள்ளனர்.

• 
  100 கோடி கொடுத்தாலும் சஞ்சய் லீலா பன்சாலியுடன் பணியாற்ற மாட்டேன் : ...
• 
  ஷாருக்கான் பிறந்தநாளில் ‛கிங்' பட முதல் பார்வை
• 
  எனக்கான போராட்டத்தை அமைதியாக நடத்துகிறேன்: தீபிகா படுகோனே
• 
  இங்கிலாந்து பிரதமருடன் அமர்ந்து படம் பார்த்த ராணி முகர்ஜி
• 
  ஆனந்த்.எல்.ராய் இயக்கத்தில் இணையும் முன்னனி நடிகைகள்

• 
  கலைமாமணி விருது பெற்றனர் சாய் பல்லவி, அனிருத், விக்ரம் பிரபு
• 
  மீண்டும் தனுஷ் படத்திற்கு இசையமைக்கும் அனிருத்
• 
  டியூட் சமூகப் பிரச்னையை வெளிச்சம் போட்டு காட்டும் : சொல்கிறார் பிரதீப் ...
• 
  கமலுக்கு அடுத்து அழகான ஹீரோ ஹரிஷ் கல்யாண் தான் : சொல்கிறார் இயக்குனர் ...
• 
  ரஜினியின் வேட்டையன் வெளியாகி ஓராண்டு நிறைவு : இயக்குனர் ஞானவேல் ...