பூல் சக் மாப் : 60 கோடி நஷ்டஈடு கேட்டு பிவிஆர் ஐநாக்ஸ் வழக்கு

நீங்கள் இங்கே இருக்கிறீர்கள்: முகப்பு » பாலிவுட் செய்திகள் »

11 மே, 2025 - 11:15 IST

எழுத்தின் அளவு:

ராஜ்குமார் ராவ், வாமிகா கபி மற்றும் பலர் நடிப்பில் நேற்று முன்தினம் வெளியாக வேண்டிய ஹிந்தித் திரைப்படம் 'பூல் சக் மாப்'. இந்தியா, பாகிஸ்தான் இடையே போர் பதட்டம் இருந்ததால் படம் பார்க்க வரும் ரசிகர்களின் நலன் கருதி படத்தை தியேட்டர்களில் வெளியிடுவதை நிறுத்துவதாக அறிவித்தது தயாரிப்பு நிறுவனமான மேட்டாக் பிலிம்ஸ். அதற்குப் பதிலாக அடுத்த வாரம் மே 16ம் தேதி இப்படத்தை அமேசான் பிரைம் ஓடிடி தளத்தில் நேரடியாக வெளியிடுகிறோம் என்று அறிவித்தார்கள்.

இப்படத்திற்கான முன்பதிவுகள் ஆன்லைன் தளங்களில் நடைபெற்று வந்த நிலையில் தயாரிப்பு நிறுவனத்தின் இந்த அறிவிப்பு இந்தியாவின் முன்னணி மல்டிபிளக்ஸ் பிவிஆர் ஐநாக்ஸ் நிறுவனத்திற்கு அதிர்ச்சியைக் கொடுத்துள்ளது. இப்படத்தைத் தியேட்டர்களில் வெளியிடுவதற்காக சுமார் 60 கோடி வரை புரமோஷன் செலவு செய்துள்ளோம்.

டிரைலர்களை இந்தியா முழுவதும் ஆயிரக்கணக்கான தியேட்டர்களில் திரையிட்டது, சமூக வலைதள புரமோஷன், போஸ்டர், பேனர்கள், ஸ்டான்டிஸ் உள்ளிட்டவற்றிற்காக செலவு செய்யப்பட்ட தொகைதான் அந்த 60 கோடி என்றும் அந்த நஷ்டத்தை சரி செய்ய வேண்டும் என்றும் மும்பை நீதிமன்றத்தில் வழக்கு தொடர்ந்தது.

அவ்வளவு தொகை என்பது அதிகபட்ச தொகை, படத்தின் தயாரிப்பாளரே இப்படத்தின் புரமோஷனுக்காக 25 கோடிதான் ஒதுக்கியிருந்தார் என்றும் படக்குழு சார்பாக தகவல் வெளியாகி உள்ளது.

வழக்கை விசாரித்த நீதிமன்றம் படத்தை ஓடிடி தளத்தில் 8 வாரங்களுக்கு வாரம் வெளியிட தடை விதித்து வழக்கை ஜுன் 16ம் தேதிக்குத் தள்ளி வைத்துள்ளது.

Bhool Chuk Maaf

PVR Inox

Direct OTT

Complaint

கருத்துகள் (0) கருத்தைப் பதிவு செய்ய

12 நாட்கள் குளிக்காமல் ...

ரூ.100 கோடி வசூலைக் கடந்த அஜய் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய