அமெரிக்காவில் 100 சதவீத வரி : இறுதி முடிவு எடுக்கப்படவில்லை எனத் தகவல்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

06 மே, 2025 - 03:12 IST

எழுத்தின் அளவு:

100-percent-tax-in-the-US-Reportedly,-no-final-decision-has-been-made

அமெரிக்க அதிபர் டொனால்டு டிரம்ப் இரண்டு தினங்களுக்கு முன்பு சமூக வலைத்தளத்தில் வெளிநாட்டுப் படங்களுக்கு அமெரிக்காவில் 100 சதவீத வரி விதிக்கப்படும் என அறிவித்தார். அது உலக அளவில் சர்ச்சையை ஏற்படுத்தியது. அமெரிக்காவில் வெளியாகும் இந்தியா, சீனா உள்ளிட்ட நாடுகளின் படங்கள் அதனால் பாதிக்கப்படும் என்பதே அதற்குக் காரணம். அப்படி நடந்தால் அமெரிக்காவிலிருந்து வெளியாகும் ஹாலிவுட் படங்களுக்கு மற்ற நாடுகளிலும் வரி விதிப்பு அதிகரிக்கப்படலாம் என்றும் பேசப்பட்டது.

இதனிடையே, இந்த விவகாரத்தில் இன்னும் எந்த ஒரு இறுதி முடிவும் எடுக்கப்படவில்லை என வெள்ளை மாளிகையின் செய்தித் தொடர்பாளர் குஷ் தேசாய் தெரிவித்ததாக அமெரிக்க சினிமா இணையதளம் செய்தி வெளியிட்டுள்ளது.

“வெளிநாட்டுத் திரைப்பட வரி குறித்து இறுதி முடிவுகள் எதுவும் எடுக்கப்படவில்லை. இருந்தாலும் ஹாலிவுட்டை அது மீண்டும் சிறந்த ஒன்றாக மாற்றும். நமது நாட்டின் தேசிய மற்றும் பொருளாதார பாதுகாப்பிற்காக ஜனாதிபதி டிரம்ப்பின் உத்தரவை நிறைவேற்றுவதற்கான அனைத்து விருப்பங்களையும், நிர்வாகம் ஆராய்ந்து வருகிறது” என்று அவர் தெரிவித்துள்ளதாகச் சொல்கிறார்கள்.

இதனால், டிரம்ப் அறிவித்தபடியான 100 சதவீத வரி விதிப்பு உடனடியாக நடைமுறைக்கு வர வாய்ப்பில்லை என்றே தெரிகிறது.

Donaldtrump

கருத்துகள் (0) கருத்தைப் பதிவு செய்ய

மனைவியை இழந்து கலங்கி நிற்கும் ...

சிறுவன் ஸ்ரீதேஜ்-ஐ சந்தித்த அல்லு ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய