மீண்டும் சினிமா படப்பிடிப்பில் பங்கேற்ற பவன் கல்யாண்

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

04 மே, 2025 - 05:58 IST

எழுத்தின் அளவு:

ஆந்திர மாநில துணை முதல்வரும், நடிகருமான பவன் கல்யாண், துணை முதல்வராகப் பதவியேற்பதற்கு முன் மூன்று தெலுங்குப் படங்களில் நடிக்க ஒப்பந்தமாகி இருந்தார். 'ஹரிஹர வீர மல்லு, ஓஜி' ஆகிய இரண்டு படங்களின் படப்பிடிப்புகள் அப்போது நடந்து வந்தது. கடந்த வருடம் சட்டமன்றத் தேர்தல் முடிந்த பிறகு அப்படங்களில் நடிப்பதைத் தள்ளிப் போட்டார்.

பின்னர் 'ஹரிஹர வீர மல்லு' படத்தில் கலந்து கொண்டு நடித்தார். பிறகு அரசுப் பணிகள் நிறைய இருந்ததால் படப்பிடிப்பை மீண்டும் தள்ளி வைத்தார். அவர் சில நாட்கள் நடித்துக் கொடுத்தால் படத்தின் முழு படப்பிடிப்பும் முடிந்துவிடும் என்ற நிலை இருந்தது. இன்று முதல் அப்படப்பிடிப்பில் கலந்து கொண்டு நடிக்க ஆரம்பித்துள்ளார். இன்னும் நான்கைந்து நாட்கள் படப்பிடிப்பு நடக்க உள்ளதாகத் தெரிகிறது. அத்துடன் படப்பிடிப்பு முடிவடைவதால் படத்தை மாதக் கடைசியில் வெளியிட திட்டமிட்டுள்ளார்களாம்.

இப்படத்தை ஏற்கெனவே மே 9 வெளியீடு என அறிவித்திருந்தார்கள். இப்படத்தை முடித்த பிறகு அவர் 'ஓஜி' படத்தில் நடிக்கத் தேதி கொடுக்க வேண்டும். கடந்த இரண்டு வருடங்களாக இப்படத்தின் படப்பிடிப்பு நின்று நின்று நடந்து வருகிறது. அவர் 25 நாள் தேதி தந்தால் படத்தை முடித்துவிடுவார்களாம். அது விரைவில் நடக்கும் என்று எதிர்பார்க்கப்படுகிறது. அப்படி நடந்தால் 'ஓஜி' படமும் இந்த வருடத்தில் வெளியாகிவிடும்.

Powerstar

Pawan Kalyan

HHVM

Hari Hara Veera Mallu

பவன் கல்யாண்

கருத்துகள் (0) கருத்தைப் பதிவு செய்ய

மோகன்லால் தான் எனக்கு எல்லாமே ; ...

பஹத் பாசில் படத்திற்கு திரைக்கதை ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய