Dinamalar

திரைப்படக் கல்லூரி மாணவர்கள் உருவாக்கிய 'கீனோ'

ஒரு காலத்தில் தமிழ் சினிமாவில் திரைப்படக் கல்லூரி மாணவர்களின் ஆதிக்கம் அதிகமாக இருந்தது. ஆர்.வி.உதயகுமார், ஆர்.கே.செல்மணி, அரவிந்தராஜ் போன்ற இயக்குனர்கள், பி.சி.ஸ்ரீராம் போன்ற ஒளிப்பதிவாளர்கள் திரைப்படக்கல்லூரியில் இருந்து வந்தவர்கள். ஆனால் அதன்பிறகு அவர்கள் ஆதிக்கம் குறைந்து விட்டது.

இந்த நிலையில் தமிழ்நாடு அரசு திரைப்படக் கல்லூரி மாணவர்கள் 'கீனோ' என்ற படத்தை உருவாக்கி இருக்கிறார்கள். இந்த படத்தை கந்தர்வா செல்லுலாய்ட்ஸ் கிரியேட்டர்ஸ் சார்பில் கிருத்திகா காந்தி தயாரிக்க, திரைப்பட கல்லூரியில் இயக்குதல் துறையில் படித்து முதல் மாணவராக தேர்ச்சி பெற்ற ஆர்.கே. திவாகர் இயக்கி இருக்கிறார்.

படம் குறித்து அவர் கூறும்போது, "இதுவரை நாவல்களிலோ, திரைப்படங்களிலோ சொல்லப்படாத கதை கருவும், கீனோ என்ற கதாபாத்திரமும், தமிழ் சினிமா ரசிகர்களுக்கு புதிதாகவும், புதுமையானதாகவும் இருக்கும். படத்தின் தயாரிப்பாளர் கிருத்திகா காந்தியும், முக்கிய கதாபாத்திரத்தில் நடித்த மகாதாரா பகவத்தும் கல்லூரியில் முதல் மாணவர்களாக திரைப்பட விருது பெற்றவர்கள் ஆவார்கள்", என்றார்.

படத்தில் மாஸ்டர் கந்தர்வா, ரேணுகா சதீஷ், கண்ணதாசன், ராஜேஷ் கோபிஷெட்டி ஆகியோருடன் பல புதுமுக கலைஞர்களும் நடித்திருக்கிறார்கள். ஆலிவர் டென்னி ஒளிப்பதிவு செய்துள்ளார். ஆர்.கே.திவாகர் இசை அமைத்துள்ளார்.படம் விரைவில் திரைக்கு வரவிருக்கிறது.

• 
  அருந்ததி படம் ஹிந்தியில் ரீமேக் ஆகுவது உறுதி!
• 
  அமெரிக்காவில் ஜாக்கி சானுடன் ஹிருத்திக் ரோஷன் சந்திப்பு
• 
  மீண்டும் ரா ஏஜென்ட் கபீர் ரோலில் ஹிருத்திக் ரோஷன்
• 
  ஹிந்தி நடிகர் சதீஷ் ஷா காலமானார்
• 
  பவர்புல்லான சவுண்ட் ஸ்டோரி : விவேக் ஓபராய்

• 
  'டீசலுக்கு' வரவேற்பு உண்டு வருவாய் இல்லை: இயக்குனர் சண்முகம்
• 
  பிளாஷ்பேக்: திரைப் பிரபலங்களின் மாற்றத்திற்கு காரணியாய் இருந்த ...
• 
  லோகேஷ் கனகராஜ், வாமிகா கபி நடிக்கும் ‛டிசி'
• 
  உறவுகள் பொய் சொன்னால் என்னால் பொறுத்துக் கொள்ள முடியாது : தமன்னா
• 
  15 வருடத்திற்கு பிறகு மலையாள படம் மூலம் ரீஎன்ட்ரி கொடுக்கும் மோகினி