Dinamalar

ஆன் ஸ்க்ரீன் என்னோட குரு கமல்ஹாசன் - சிலம்பரசன் பேச்சு

மணிரத்னம் இயக்கத்தில், ஏஆர் ரஹ்மான் இசையில் உருவாகியுள்ள 'தக் லைப்' படத்தின் பத்திரிகையாளர் சந்திப்பு இன்று சென்னையில் நடைபெற்றது. கமல்ஹாசன், சிம்பு முதல் முறையாக இந்தப் படத்தில் இணைந்து நடித்துள்ளார்கள்.

கமல்ஹாசன் ஒரு தலைமுறை, சிம்பு அதற்கடுத்த தலைமுறை. இருவருமே குழந்தை நட்சத்திரங்களாக நடித்து கதாநாயகர்களாக உயர்ந்தவர்கள். இவர்களுடன் மாறுபட்ட காம்பினேஷனாக இந்தப் படம் இருக்கும் என்று எதிர்பார்க்கப்படுகிறது.

நிகழ்ச்சியில் சிம்பு பேசுகையில், “இந்தியாவில் இருந்து வந்துள்ள அனைத்து பத்திரிகையாளர்களுக்கும் நன்றி. ரொம்ப சந்தோஷமா இருக்கு. இந்தப் படம் எனக்கு கனவு மாதிரி. மணி சார், ஏஆர் ரஹ்மான் சார், கமல் சார், ரவி கே சார் அவங்க படங்களைப் பார்த்து அவங்க கூட படம் பண்ணனும்னு தோணும். இந்தப் படத்துல அவங்க எல்லார் கூடயும் சேர்ந்து இந்தப் படம் பண்றது ஒரு கனவுதான். கமல் சார் ஆன் ஸ்க்ரீன்ல என்னோட குரு.

படப்பிடிப்பு சமயத்துல ஆரம்பத்துல ரொம்ப கஷ்டமா இருந்தது. இதுக்கு முன்னாடி மணி சார் கூட 'செக்கச் சிவந்த வானம்' படத்துல நடிச்சேன். அப்பவும் ஆரம்பத்துல கொஞ்சம் கஷ்டமா இருந்தது. அப்புறம் அவர் கூட எப்படி பணி புரியறதுன்னு புரிஞ்சி, நடிக்க ஆரம்பிச்சேன்.

ஆனால், இந்தப் படத்துல மணி சார், கமல் சார் அவங்க கூட சேர்ந்து நடுவுல நிக்கறது கூட சிரமமா இருக்கும். என்ன பண்றதுன்னு தெரியாது. கமல் சாருக்கு நன்றி. சின்ன வயசுல இருந்து நான் குழந்தை நட்சத்திரமா நடிச்சிருக்கேன். அவருடைய படங்களைப் பார்த்துதான் வளர்ந்தேன். அவர் கூட சேர்ந்து நடிச்சது அருமையான தருணம். எனக்கு ஊக்கமளிச்சாரு, ஆதரவா இருந்தாரு. அவர் பக்கத்துல எனக்கு ஒரு இடம் கொடுத்திருக்காரு. அது அவருடைய பெருந்தன்மையக் காட்டுது.

இந்தப் படம் நிச்சயம் வித்தியாசமான முயற்சி. ஜீனியஸ் மணி சார் அதை பண்ணியிருக்காரு. 'நாயகன்' படத்துக்கப்புறம் மணி சார், கமல் சார் மீண்டும் இணைஞ்சிருக்காங்க. ஒரு ரசிகரா நானும் ஆர்வமா காத்திருக்கேன்.

அசோக் செல்வன், த்ரிஷா கூட நடிச்ச எல்லாருக்கும் நன்றி. 'விண்ணைத் தாண்டி வருவாயா' படத்துக்குப் பிறகு நாங்க ரெண்டு பேரும் எப்ப சேர்ந்து நடிப்போம்னு பலர் கேட்டதா த்ரிஷா சொன்னாங்க. இது ரெண்டு பேருக்குமே ஒரு மாறுபட்ட படமா இருக்கும்.

அசோக் செல்வன் நல்ல நண்பர், சகோதரர். அவருடைய வேலைகள் பிடிக்கும். அவருக்கு போன் பண்ணி நல்ல படங்கள் பண்ணுங்கன்னு வாழ்த்துவேன். ஜோஜு சாருக்கும் நன்றி.

ரகுமான் சார் என்னோட குரு. அற்புதமான இசை கொடுத்திருக்கு. ஆடியோ சீக்கிரமே வெளியாகும்,” என்றார்.

• இவரை பற்றி
• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்

• இவரை பற்றி
• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்
• வரவிருக்கும் படங்கள்

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா
• 
  'பராசக்தி' படத்தின் இசை வெளியீட்டு விழா, எங்கே, எப்போது?
• 
  ரிலீசில் ரிகார்டு!: வசூலில் பெரும்பாடு: தமிழ் சினிமாவில் ரூ.2000 கோடியை ...
• 
  'டாக்சிக்' படத்தின் அனுபவம் குறித்து ருக்மணி வசந்த்!
• 
  விஜய் முடிவை மாத்தணும்.. மீண்டும் நடிக்கணும்: நடிகர் நாசர் கோரிக்கை