Dinamalar

வீர தீர சூரன் வெற்றி : வின்டேஜ் புகைப்படம் பகிர்ந்த துருவ் விக்ரம்

சித்தா படத்தை தொடர்ந்து எஸ்யு அருண்குமார் இயக்கத்தில் விக்ரம் நடிப்பில் சமீபத்தில் வீர தீர சூரன் திரைப்படம் வெளியானது. ஒரே இரவில் நடக்கும் கதையாக விறுவிறுப்பான ஒரு ஆக்ஷன் திரில்லராக வெளியான இந்த படம் பாசிட்டிவான விமர்சனங்களையும் ரசிகர்களின் பாராட்டுகளையும் பெற்றுள்ளது. படம் ரிலீஸ் ஆகும் சமயத்தில் சிக்கல்களை சந்தித்தாலும் கூட அதையெல்லாம் தாண்டி திரையரங்குகளில் வெற்றிகரமாக ஓடிக் கொண்டிருப்பதாக தகவல்கள் வெளியாகி வருகின்றன. படத்தின் கதை சொல்லப்பட்ட விதமும் கதாபாத்திரங்கள் கையாளப்பட்ட விதமும் படத்தின் விறுவிறுப்புக்கு பக்கபலமாக அமைந்துள்ளன.

சமீப வருடங்களாக விக்ரமிற்கு சொல்லிக் கொள்ளும்படியான வெற்றி படங்கள் எதுவும் அமையாத நிலையில் வீர தீர சூரன் அந்த குறையை போக்கியுள்ளது என்று உறுதியாக சொல்லலாம். இந்த நிலையில் தனது தந்தைக்கு இப்படி வீரதீர சூரன் என்கிற ஒரு வெற்றி படத்தை கொடுத்ததற்காக இயக்குநர் அருண்குமாருக்கு நன்றி கூறியுள்ள விக்ரமின் மகன் துருவ் தனது தந்தையுடன் சிறு வயதில் நீச்சல் குளம் ஒன்றில் எடுக்கப்பட்ட விண்டேஜ் புகைப்படம் ஒன்றையும் தனது சோசியல் மீடியா பக்கத்தில் பகிர்ந்து கொண்டுள்ளார். மாரி செல்வராஜ் இயக்கத்தில் துருவ் விக்ரம் நடித்துள்ள பைசன் திரைப்படம் அடுத்தபடியாக ரிலீஸுக்கு தயாராகி வருவது குறிப்பிடத்தக்கது.

• 
  நிரப்ப முடியாத வெற்றிடம் : கணவர் தர்மேந்திரா மறைவு குறித்து ஹேமமாலினி ...
• 
  கணவர் மீது புகார் அளித்துள்ள செலினா ஜெட்லி
• 
  ஜோசப் ரீமேக்கை பார்க்காமலேயே தர்மேந்திரா மறைந்து விட்டார் : மலையாள ...
• 
  ஹிந்தியில் மீண்டும் தடம் பதிப்பாரா தனுஷ்?
• 
  சினிமா டூ அரசியல் : பாலிவுட்டின் ‛ஹீ மேன்' தர்மேந்திராவின் வாழ்க்கை ...

• 
  சிரஞ்சீவி ரசிகர்களிடம் மன்னிப்பு கேட்ட கீர்த்தி சுரேஷ்!
• 
  லாக் டவுன் டிரைலர் வெளியானது
• 
  நடிகைகள் அம்பிகா, ராதாவின் தாயார் காலமானார்
• 
  பிரபுவுக்கு ஜோடியாக மஞ்சு வாரியர் நடித்து ஒரு பாடல் படப்பிடிப்புடன் ...
• 
  ‛அஞ்சான்' ரீ ரிலீஸில் வெற்றி பெற்றால் அஞ்சான் 2 உருவாகும் : லிங்குசாமி