மதராஸி தாமதம்: தயாரிப்பாளர் கோபம்: மீண்டும் நடக்குமா? - Madharasi Delay Producer Angry Will it Happen Again

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

'மதராஸி' தாமதம்: தயாரிப்பாளர் கோபம்: மீண்டும் நடக்குமா?

03 மார், 2025 - 11:41 IST

எழுத்தின் அளவு:

'அமரன்' படத்திற்குப் பிறகு தமிழ் சினிமாவில் 'மோஸ்ட் வான்டட்' நடிகராக மாறியிருப்பவர் சிவகார்த்திகேயன். அந்தப் படத்தில் நடித்து முடித்த பின்பு ஏஆர் முருகதாஸ் இயக்கத்தில் ஆரம்பமான புதிய படத்தில் நடிக்கப் போய்விட்டார் சிவகார்த்திகேயன். ஆனால், படப்பிடிப்பு ஆரம்பமான பின் சல்மான் கான் நடிக்கும் 'சிக்கந்தர்' படத்தை இயக்கும் வாய்ப்பு கிடைத்ததும் இந்தப் படத்தை 'அம்போ' என விட்டுவிட்டுச் சென்றுவிட்டார் ஏஆர் முருகதாஸ். நீண்ட இடைவெளிக்குப் பின் படத்திற்கு 'மதராஸி' எனப் பெயர் வைத்திருக்கிறோம் என்று மட்டும் அப்டேட் கொடுத்தார்கள்.

அதனால், சிவகார்த்திகேயனும் சுதா கொங்கரா இயக்கத்தில் 'பராசக்தி' படத்தில் நடிக்கப் போய்விட்டார். அந்தப் படத்தின் படப்பிடிப்பு தொடர்ந்து விறுவிறுப்பாக நகர்ந்து வருகிறது.

ஏஆர் முருகதாஸ் இயக்கி வரும் 'சிக்கந்தர்' ஹிந்திப் படம் இந்த மாதம் 27ம் தேதி வெளியாகிறது. அந்தப் படம் வெளியாகும் வரை அவர் 'மதராஸி' படம் பக்கம் வர வாய்ப்பில்லை. சில பல கோடிகளை செலவிட்டு பல மாதங்களாக அதற்கு வட்டி கட்டி வருகிறார் 'மதராஸி' தயாரிப்பாளர். தமிழ் சினிமாவில் சில நடிகர்கள் மொத்தமாக புறக்கணித்த ஏஆர் முருகதாஸுக்கு தேடிப் போய் வாய்ப்பு கொடுத்தால் இப்படி செய்துவிட்டாரே என்ற வருத்தத்தில் இருக்கிறாராம்.

ஏப்ரல் முதல் 'மதராஸி' படப்பிடிப்பு மீண்டும் ஆரம்பமாகும் என்கிறார்கள். ஆனால், 'பராசக்தி' கெட்டப்பில் இருக்கும் சிவகார்த்திகேயன் உடனே 'மதராஸி' பக்கம் திரும்புவாரா என்பது அடுத்த கேள்வியாக உள்ளது.

Madharasi

Sivakarthikeyan

AR Murugadoss

ARM

கருத்துகள் (0) கருத்தைப் பதிவு செய்ய

மீண்டும் 9 படங்கள் ரிலீஸ் ஆகும் ...

அஜித்தின் 'விடாமுயற்சி', 'குட் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய