Dinamalar

தமிழ் ரசிகர்களின் அன்பால் பூரித்த கயாடு லோஹர்

அஷ்வத் மாரிமுத்து இயக்கத்தில், லியோன் ஜேம்ஸ் இசையமைப்பில், பிரதீப் ரங்கநாதன், அனுபமா பரமேஸ்வரன், கயாடு லோஹர் மற்றும் பலர் நடிப்பில் கடந்த வாரம் வெளியான படம் 'டிராகன்'. இப்படம் ரசிகர்களின் வரவேற்பைப் பெற்று வெற்றிகரமாக ஓடிக் கொண்டிருக்கிறது. மூன்று நாட்களிலேயே உலகளவில் ரூ.50 கோடிக்கு மேல் வசூலித்தது.

இந்த படத்தில் நடித்த கயாடு லோஹரின் பல்லவி கதாபாத்திரத்திற்கு ரசிகர்கள் அமோக வரவேற்பை அளித்துள்ளனர். அவரின் இன்ஸ்டா ரீல்ஸ் மற்றும் புகைப்படங்களை சமூக வலைதளத்தில் வைரலாக்கி வருகின்றனர்.

இந்த நிலையில், கயாடு லோஹர் தனது இன்ஸ்டா பக்கத்தில் கொஞ்சும் தமிழில் பேசி வெளியிட்ட வீடியோவில், ''எனக்கு எப்படி தொடங்குவது எனத் தெரியவில்லை. எனக்கும், டிராகனுக்கும், பல்லவி கதாபாத்திரத்துக்கும் கிடைக்கும் வரவேற்பு மிகையான ஒன்று. திரையரங்கில் எனக்கு நீங்கள் அடிக்கும் விசிலாகட்டும், இன்ஸ்டாவில் அழகான கமெண்ட்ஸ், எடிட் ஆகட்டும் இதையெல்லாம் பார்க்கும்போது எனக்கு மிகவும் சந்தோஷமாக இருக்கிறது.

நான் தமிழ்ப்பொண்ணு இல்லை. தமிழும் சரியாக பேசவராது. ஆனால், நீங்கள் எனக்கு தரும் அன்பு விலைமதிப்பில்லாதது. இந்த அன்பை எனது படங்களின் மூலம் திருப்பி தருவேன். உங்களைப் பெருமைப்பட வைப்பேன்'' எனப் பேசியுள்ளார்.

• 
  நான் அவள் இல்லை ; டீப் பேக் வீடியோ குறித்து வித்யா பாலன் எச்சரிக்கை
• 
  நான் செல்ல வேண்டிய நேரம் வந்துவிட்டது : அமிதாப்பச்சனின் பதிவால் பரபரப்பு!
• 
  இர்பான் கான் நினைவாக தங்கள் கிராமத்திற்கு புதிய பெயர் சூட்டிய மக்கள்
• 
  தகராறை முடித்துக் கொண்ட கங்கனா ரணவத், ஜாவேத் அக்தர்
• 
  மறைந்த பாலிவுட் நடிகர் உத்தம் மொகந்தி உடலுக்கு அரசு மரியாதை

• 
  போஸ்ட் புரொக்ஷன் ஸ்டூடியோ திறந்தார் ஏ.எல்.விஜய்
• 
  பிளாஷ்பேக் : வெளிமாநிலத்தில் வெள்ளி விழா கொண்டாடிய முதல் படம்
• 
  பிளாஷ்பேக் : 10 வருட இடைவெளியில் படமாக உருவான ஒரே கதை
• 
  நடிகர் சிவாஜி கணேசன் வீட்டை ஜப்தி செய்ய உத்தரவு
• 
  முடக்கப்பட்ட எக்ஸ் தளத்தை மீட்க முடியாமல் தவிக்கும் ஸ்ரேயா கோஷல்