Dinamalar

வெற்றிமாறன் - தனுஷ், மதிமாறன் புகழேந்தி - சூரி : ஒரேநாளில் இரு பட அறிவிப்பை வெளியிட்ட நிறுவனம்

தமிழ் சினிமாவில் முன்னணி இயக்குனராக இருப்பவர் வெற்றிமாறன். கடந்த டிசம்பர் மாதம் இவர் இயக்கிய விடுதலை படத்தின் இரண்டாம் பாகம் வெளியானது. முதல்பாகத்தை விட இரண்டாம் பாகம் பெரிய தாக்கத்தை ஏற்படுத்தவில்லை. என்றாலும் படம் லாபம் தந்துள்ளதாக தயாரிப்பு நிறுவனம் தெரிவித்துள்ளது.

விடுதலை 2 வெளியாகி இன்றோடு 25 நாட்கள் ஆகிறது. இதை மகிழ்ச்சியோடு அறிவித்துள்ள இப்படத்தை தயாரித்த ஆர்எஸ் இன்போடெயின்ட்மென்ட் நிறுவனம், ‛இந்த படத்தை வெற்றி படமாக்கிய படக்குழுவினருக்கும், ரசிகர்களுக்கும் நன்றி' தெரிவித்துள்ளது. அதோடு தாங்கள் தயாரிக்கும் இரண்டு பட அறிவிப்பையும் இந்நிறுவனம் வெளியிட்டுள்ளது.

அதன்படி ஒரு படத்தில் தனுஷ் நடிக்கிறார், வெற்றிமாறன் இயக்குகிறார். பொல்லாதவன், ஆடுகளம், வட சென்னை, அசுரன் படங்களை தொடர்ந்து மீண்டும் இந்த கூட்டணி இணைந்துள்ளனர்.

மற்றொரு படத்தை மதிமாறன் புகழேந்தி இயக்க, சூரி நாயகனாக நடிக்கிறார். ஏற்கனவே தங்களது நிறுவனத்தில் விடுதலை 1, 2வில் நடித்த சூரியே இந்த படத்திலும் நாயகனாக தொடருகிறார். வெற்றிமாறன் குழுவில் இருந்தவர் மதிமாறன். ஏற்கனவே செல்பி என்ற படத்தை இயக்கி உள்ளார். விரைவில் இந்த படம் துவங்க உள்ளது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா