Dinamalar

சொந்த ஊரையே பிலிம் சிட்டியாக மாற்ற விரும்பும் ரிஷப் ஷெட்டி

கடந்த இரண்டு வருடங்களுக்கு முன்பு கன்னடத்தில் வெளியாகி மிகப்பெரிய வெற்றியை பெற்ற படம் காந்தாரா. கன்னடத்தில் மட்டுமல்ல தென்னிந்திய அளவில் அந்த படம் மிகப்பெரிய வரவேற்பையும் வெற்றியும் பெற்றது. வசூலையும் வாரிக் குவித்தது. இந்த படத்தில் கதாநாயகனாக நடித்ததுடன் படத்தையும் இயக்கியிருந்தார் நடிகர் ரிஷப் ஷெட்டி. சிறந்த நடிப்பிற்கான தேசிய விருதையும் பெற்றார். இந்த படத்தின் வெற்றி கொடுத்த உற்சாகத்தில் அடுத்ததாக காந்தாரா படத்தின் இரண்டாம் பாகத்தை காந்தாரா சாப்டர் 1 என்கிற பெயரில் உருவாக்கும் வேலைகளில் ஈடுபட்டு வருகிறார். இந்த படம் அடுத்த வருடம் வெளியாக இருக்கிறது என்பதையும் முன்கூட்டியே தேதியுடன் அறிவித்தும் விட்டார்.

பெரும்பாலும் ரிஷப் ஷெட்டிக்கு தனது சொந்த ஊரான உடுப்பி தாலுகாவில் உள்ள கெரடி கிராமத்தில் தன்னுடைய படங்களின் படப்பிடிப்பை நடத்த வேண்டும் என ரொம்பவே விருப்பம் இருந்தது. பலமுறை லொகேஷன்கள் பார்த்தாலும் அது கைகூடாமல் போனது. அதே சமயம் காந்தாரா படத்தில் தனது சொந்த ஊரில் உள்ள வனப்பகுதியிலேயே பெரும்பாலான படப்பிடிப்பை நடத்தி தனது விருப்பத்தை நிறைவேற்றிக் கொண்டார் ரிஷப் ஷெட்டி. இந்த இரண்டாம் பாகமும் பெரும்பாலும் அதே பகுதியில் தான் நடைபெற இருக்கிறது.

இந்த நிலையில் சமீபத்தில் தெலுங்கு தொலைக்காட்சி ஒன்றில் நடிகர் ராணா நடத்தும் டாக் ஷோவில் பங்கேற்ற ரிஷப் ஷெட்டி கூறும்போது, “எனது சொந்த ஊரை ஒரு சினிமா நகரமாக மாற்ற விரும்புகிறேன். அதற்கு கெரடி பிலிம் சிட்டி (கே எப் சி) என்றும் மனதிற்குள் பெயர் வைத்திருக்கிறேன். இந்தப் பகுதியில் பெரிய அளவில் படங்கள் உருவானதில்லை. ஆனால் காந்தாரா இந்த பகுதியை பிரபலப்படுத்தி விட்டது” என்று கூறியுள்ளார்.

• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்
• 
  காரில் வெடிகுண்டு வைத்து தகர்ப்போம்! சல்மான்கானுக்கு மீண்டும் கொலை ...
• 
  சர்ச்சைக்குரிய காட்சிகளை நீக்க தணிக்கை வாரியம் உத்தரவு: ‛பூலே' ...

• 
  கூலி படத்தில் ரஜினி உடன் நடித்தது ஸ்பெஷலான அனுபவம் : பூஜா ஹெக்டே
• 
  அரசியலுக்கு வர வாய்ப்புள்ளதா? : ரவி மோகன் கொடுத்த பதில்
• 
  விஜய் சேதுபதி படத்தில் ராதிகா ஆப்தே?
• 
  பாங்காக் பறந்த இட்லி கடை படக்குழு
• 
  மீரா ஜாஸ்மின் பெயர் என் காதுகளில் ஒலிக்காத நாளே இல்லை ; சிலாகித்த நயன்தாரா