Dinamalar

'காந்தாரா 2' படப்பிடிப்பை எதிர்க்கும் கிராம மக்கள்

ரிஷப் ஷெட்டி இயக்கத்தில் கன்னடத்தில் 2022 வெளிவந்த 'காந்தாரா' படம் இந்தியா முழுவதும் நல்ல வரவேற்பைப் பெற்றது. தற்போது அப்படத்தின் இரண்டாம் பாகத்தை 'பிரிகுவல்' ஆக 'காந்தாரா - சாப்டர் 1' என எடுத்து வருகிறார்கள்.

அதன் படப்பிடிப்பு கர்நாடகாவில் கவிகுட்டா பகுதியில் உள்ள ஹெரூர் என்ற கிராமத்தில் நடந்து வருகிறது. படப்பிடிப்பின் போது வெடிப்பொருட்களைப் பயன்படுத்தியதில் படக்குழுவினருக்கும் கிராம மக்களுக்கும் தகராறு ஏற்பட்டுள்ளது. பல காட்டு விலங்குகள் அந்தப் பகுதியில் இருப்பதால் வெடி வெடித்து படப்பிடிப்பு நடத்துவது அவைகளுக்கு பாதிப்பை ஏற்படுத்தும் என கிராம மக்கள் எதிர்ப்பு தெரிவித்துள்ளனர். படக்குழுவினர் அங்குள்ள காட்டு மரங்களை வெட்டியதாகவும் குற்றச்சாட்டு எழுந்துள்ளது. முன்னாள் ஜில்லா பஞ்சாயத்து உறுப்பினர் ஒருவர் உடனடியாக படப்பிடிப்பை நிறுத்தச் சொல்லி இருக்கிறார். மேலும் கிராம இளைஞர் ஒருவரையும் படப்பிடிப்புக் குழுவினர் தாக்கி உள்ளனர்.

இதையடுத்து கிராம மக்கள் படக்குழுவினர் மீது கடுமையாக கோபமடைந்துள்ளனர். படப்பிடிப்பை வேறு இடத்தில் நடத்தச் சொல்லியுள்ளனர். இல்லையென்றால் சட்டப்படி நடவடிக்கை எடுப்போம் எனக் கூறியுள்ளனர். இதையடுத்து எசலூர் காவல் நிலையத்தினர், உள்ளூர் மக்கள் தக்க நடவடிக்கை எடுப்போம் எச்சரிக்கை விடுத்துள்ளனர். தேவைப்பட்டால் கர்நாடக உயர்நீதிமன்றத்திலும் வழக்கு தொடுப்போம் என தெரிவித்துள்ளதாகத் தகவல் வெளியாகி உள்ளது.

இதனிடையே, சக்லேஷ்பூர் காட்டுப்பகுதியில் படப்பிடிப்பு செட் பொருட்களை கொட்டியதற்காக கர்நாடக வனத்துறையினர் படக்குழுவுக்கு 50 ஆயிரம் ரூபாய் அபராதம் விதித்துள்ளதாகவும் செய்திகள் வந்துள்ளன.

• 
  நகை கடத்தல் நடிகையின் கூட்டாளி நடிகருக்கு சிறையில் சொகுசு வசதி ; வெளியான ...
• 
  இரண்டு கைகளிலும் கடிகாரம் அணிவது ஏன் ? ; அபிஷேக் பச்சனின் அடடே விளக்கம்
• 
  ஏழு வருட இடைவெளிக்கு பிறகு வெளியாகும் அனுஷ்கா சர்மாவின் படம்
• 
  கத்ரினா கைப் - விக்கி கவுஷல் நட்சத்திர தம்பதிக்கு ஆண் குழந்தை பிறந்தது!
• 
  வெப் தொடரான கார்கில் போர்

• 
  சமுத்திரக்கனிக்கு இயக்குனர் பிரியதர்ஷன் சொன்ன அறிவுரை
• 
  விஜய் மகன் ஜேசன் சஞ்சய் அறிமுகப் படத்தின் பெயர் 'சிக்மா'
• 
  எதிர்பார்த்த 'வியூஸ்கள்' பெறாத 'தளபதி கச்சேரி'
• 
  ஏ.ஆர்,ரஹ்மான் லைவ் கான்சர்ட்டில் பங்கேற்ற ராம்சரண்-ஜான்வி கபூர்
• 
  'துள்ளுவதோ இளமை' புகழ் அபிநய் காலமானார் : இறுதிச்சடங்கு செய்வதற்கு கூட ...