Dinamalar

பிளாஷ்பேக்: முதன் முதலில் காடுகளில் படமான 'வனராஜ கார்ஸன்'

தமிழ் சினிமாவை ஸ்டூடியோக்களில் இருந்து திறந்த வெளிக்கு அழைத்துச் சென்றவர் பாரதிராஜா என்பார்கள். ஆனால் அப்படியான முயற்சி 1930களிலேயே தொடங்கி விட்டது. ஹாலிவுட் மற்றும் கொரியன் படங்களின் தாக்கத்தில் இப்போதும் படங்கள் வெளிவருது உண்டு. அதே போல அந்த காலத்திலும் இருந்திருக்கிறது. அப்போது ஹாலிவுட் படமான 'டார்ஜானை' தழுவி தமிழில் 1938ல் 'வனராஜ கார்ஸன்', ஹிந்தியில் 'ஜங்கிள் கிங்' என்ற பெயரில் ஒரு படம் உருவானது.
இந்த படத்தை ஹோமி வாடியா என்ற ஆங்கில இயக்குனர் இயக்கினார், ஜான் கேவாஸ் என்ற சண்டை இயக்குனர் நாயகனாக அதாவது டார்ஜானாக நடித்தார். அவருக்கு ஜோடியாக கே.ஆர்.செல்லம் என்ற நடிகை நடித்தார். படத்திற்கு ஒளிப்பதிவு செய்தது ஆங்கில ஒளிப்பதிவாளர்களான ருஸ்டம் மெய்பரும், பாலி மிஸ்ட்ரியும், யானை அனந்த ராம அய்யரும், வைத்தியநாத அய்யரும் இசை அமைத்திருந்தார்கள். இயக்னர் வாடியாவே மெட்ராஸ் யுனைடெட் ஆர்ட்டிஸ்டுடன் இணைந்து தயாரித்தார்.
இந்த படத்தில் நாயகி கே.ஆர்.செல்லம், நீச்சல் உடையில் நடித்ததற்கு அப்போது கடும் எதிர்ப்பு கிளம்பியது. குடும்ப சுமையாலும், இயக்குனரின் வற்புறுத்தலாலும் அப்படி நடித்ததாக கே.ஆர்.செல்லம் விளக்கம் கொடுத்து மன்னிப்பும் கேட்டார். ஆனால் இந்த படம் செல்லத்திற்கு பெரிய எதிர்காலத்தை உருவாக்கியது. லக்ஸ் சோப் விளம்பரத்தில் அதே மாதிரி பிகினி உடை அணிந்து நடித்தார்.

• 
  100 கோடி கொடுத்தாலும் சஞ்சய் லீலா பன்சாலியுடன் பணியாற்ற மாட்டேன் : ...
• 
  ஷாருக்கான் பிறந்தநாளில் ‛கிங்' பட முதல் பார்வை
• 
  எனக்கான போராட்டத்தை அமைதியாக நடத்துகிறேன்: தீபிகா படுகோனே
• 
  இங்கிலாந்து பிரதமருடன் அமர்ந்து படம் பார்த்த ராணி முகர்ஜி
• 
  ஆனந்த்.எல்.ராய் இயக்கத்தில் இணையும் முன்னனி நடிகைகள்

• 
  கலைமாமணி விருது பெற்றனர் சாய் பல்லவி, அனிருத், விக்ரம் பிரபு
• 
  மீண்டும் தனுஷ் படத்திற்கு இசையமைக்கும் அனிருத்
• 
  டியூட் சமூகப் பிரச்னையை வெளிச்சம் போட்டு காட்டும் : சொல்கிறார் பிரதீப் ...
• 
  கமலுக்கு அடுத்து அழகான ஹீரோ ஹரிஷ் கல்யாண் தான் : சொல்கிறார் இயக்குனர் ...
• 
  ரஜினியின் வேட்டையன் வெளியாகி ஓராண்டு நிறைவு : இயக்குனர் ஞானவேல் ...