Dinamalar

ஹீரோயின் ஆனார் சரண்யா ரவிச்சந்திரன்

சின்னத்திரையில் இருந்து சினிமாவுக்கு வந்தவர் சரண்யா ரவிச்சந்திரன். ஜெயில், பைரி, வெள்ளை யானை உள்ளிட்ட பல படங்களில் இரண்டாம் நாயகி மற்றும் குணச்சித்திர வேடங்களில் நடித்துள்ளார். தற்போது இவர் ஹீரோயின் ஆகியிருக்கும் படம் 'க.மு -க.பி' அதாவது கல்யாணத்திற்கு முன் கல்யாணத்திற்கு பின். இந்தப் படத்தை பிளையிங் எலிபென்ட்ஸ் எண்டர்டைன்மென்ட் சார்பில் புஷ்பநாதன் ஆறுமுகம் தயாரித்து, இயக்குகிறார்.

டாணாக்காரன், மாஸ்டர் உள்ளிட்ட பல படங்களில் நடித்துள்ள விக்னேஷ் ரவி கதாநாயகனாக நடிக்கிறார். லப்பர் பந்து படத்தில் முக்கிய கதாபாத்திரத்தில் நடித்து கவனம் ஈர்த்த டிஎஸ்கே இந்த படத்திலும் முதன்மை கதாபாத்திரத்தில் நடிக்கிறார். மேலும் சின்னத்திரை புகழ் பிரியதர்ஷினி, கபாலி பெருமாள், அருவி பாலா ஆகியோர் முக்கிய கதாபாத்திரங்களில் நடித்துள்ளனர். ஜி.எம்.சுந்தர் ஒளிப்பதிவு செய்கிறார். தர்ஷன் ரவிக்குமார் இசையமைத்துள்ளார்.

படம் குறித்து இயக்குநர் புஷ்பநாதன் ஆறுமுகம் கூறும்போது, “எப்போதும் காதலிக்கும் போது ஒருவருக்கொருவர் அவர்களது குறை நிறைகள் தெரியாது. பிளஸ் மட்டுமே தெரியும். ஈர்ப்புணர்வும் அதிகமாக இருக்கும். ஆனால் திருமணத்திற்கு பிறகு சேர்ந்து இருக்கும் நேரம் அதிகம் என்பதால் அவர்களின் நிஜமான குணங்கள் தெரிய ஆரம்பிக்கும். பொருளாதார சமூக காரணங்கள் சேர்ந்து ஏதோ ஒரு விதத்தில் இருவருக்குமான ஈர்ப்பு குறைய காரணமாக அமைந்து விடும். இதை நான் லீனியர் பாணியில் சொல்லியிருக்கிறோம். இளைஞர்களுக்கு வாழ்க்கையைப் பற்றிய ஒரு புரிதல் கொடுக்கக்கூடிய கொண்டாட்டமான படமாக இது இருக்கும்'' என்றார்.

• 
  முதல் குழந்தை வீட்டிற்கு வருவதற்கு முன் ஆறு குழந்தைகளை பறிகொடுத்தேன் : ...
• 
  மும்பையில் உள்ள அபார்ட்மென்ட்டை குறைந்த லாபத்திற்கு விற்ற சோனு சூட்
• 
  குடும்பத்துடன் விநாயகர் சதுர்த்தி கொண்டாடிய சல்மான்கான்
• 
  காரில் கோளாறு: ஷாரூக்கான், தீபிகா படுகோனே மீது வழக்கு
• 
  எனது சொகுசு பங்களா வீடியோவை உடனே நீக்குங்கள்! - ஆலியா பட் வைத்த ஆவேச ...

• 
  காஞ்சனா 4 படத்தில் ராஷ்மிகா மந்தனா?
• 
  ரஜினி - கமலை இணைத்து படம் இயக்க ஆசைப்படும் கே.எஸ்.ரவிக்குமார்
• 
  என்னை பிரபலப்படுத்தாதீங்க... : அஜித் பேச்சு
• 
  சினிமாவில் பாலகிருஷ்ணா 50 : வாழ்த்திய ரஜினி
• 
  சமோசா மீது எனக்கு தனி லவ் : தமன்னா