டேக் ஆப் ஆகாத சர்பிரா : பாலிவுட்டில் அதிர்ச்சி - Sarfira not taken off: shock in Bollywood

நீங்கள் இங்கே இருக்கிறீர்கள்: முகப்பு » பாலிவுட் செய்திகள் »

'டேக் ஆப்' ஆகாத சர்பிரா : பாலிவுட்டில் அதிர்ச்சி

18 ஜூலை, 2024 - 11:06 IST

எழுத்தின் அளவு:

தமிழில் ஓடிடியில் வெளிவந்த 'சூரரைப் போற்று' படத்தின் ஹிந்தி ரீமேக்கான 'சர்பிரா' படம் கடந்த வாரம் வெளியானது. சூர்யா நடித்த கதாபாத்திரத்தில் அக்ஷய் குமார் நடித்திருந்தார். தொடர்ந்து தோல்விப் படங்களாகக் கொடுத்து வந்த அக்ஷய் குமாருக்கு இந்தப் படம் திருப்புமுனையாக இருக்கும் என எதிர்பார்த்தார்கள்.

படத்திற்கும் அவ்வளவு மோசமான விமர்சனங்கள் வரவில்லை. பரவாயில்லை என்றுதான் பலரும் விமர்சித்திருந்தார்கள். ஆனால், எதிர்பார்த்த அளவு படத்திற்கு ஓபனிங் கிடைக்கவில்லை. முதல் நாள் வசூலாக வெறும் இரண்டரை கோடி மட்டுமே வசூலித்தது. சமீப காலங்களில் அக்ஷயின் முதல் நாள் வசூலில் இது மோசம் என்கிறார்கள். அடுத்தடுத்த நாட்களிலாவது படம் பிக்கப் ஆகிவிடும் என்று எதிர்பார்த்தார்கள். அதுவும் நடக்கவில்லை. கடந்த ஒரு வாரத்தில் 20 கோடி மட்டுமே வசூலகியுள்ளதாம்.

ஆனால், ஏழை மக்களும் பயணிப்பதற்காக குறைந்தகட்டண விமான நிறுவனத்தை ஆரம்பித்தவரின் பயோபிக் படம் இது. படம் வெளியாகி ஒரு வாரமாகியும் 'டேக் ஆப்' ஆகாமல் தவிக்கிறது. பாலிவுட் ரசிகர்களை 'ஆர்ஆர்ஆர், கேஜிஎப், கல்கி 2898 ஏடி' போன்ற படங்கள் மாற்றிவிட்டது என்று ஹிந்தித் திரையுலகினர் நினைக்கிறார்கள். அதனால்தான் மசாலாத்தனமாக வெளிவந்த 'ஜவான், அனிமல்' ஆகிய ஹிந்திப் படங்கள் மட்டுமே பெரும் வெற்றியைப் பெற்றது.

நல்ல கதையம்சம் உள்ள படங்களை ரசிப்பதை ஹிந்தி ரசிகர்கள் குறைத்துக் கொண்டார்களோ என்று பாலிவுட்டில் பேச ஆரம்பித்துவிட்டார்கள்.

Sarfira

Akshaykumar

கருத்துகள் (0) கருத்தைப் பதிவு செய்ய

ஷாருக்கானுக்கு வில்லன் ஆகிறார் ...

ஹிந்தியில் அடியெடுத்து வைத்த ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய