Dinamalar

அக்ஷய்குமாருக்கு திருப்பத்தைத் தருமா 'சர்பிரா' ?

சுதா கொங்கரா இயக்கத்தில், சூர்யா, அபர்ணா பாலமுரளி மற்றும் பலர் நடிப்பில் 2020ம் ஆண்டு ஓடிடி தளத்தில் வெளியான படம் 'சூரரைப் போற்று'. ஏர் டெக்கான் என்ற விமான சேவையை ஆரம்பித்து ஏழை மக்களையும் விமானத்தில் ஏறிப் பறக்க வைத்தவர் அதன் நிறுவனர் கோபிநாத். அவரது பயோபிக் படமாக வந்தது 'சூரரைப் போற்று'. ஓடிடியில் வெளியானாலும் ரசிகர்களின் வரவேற்பைப் பெற்றது. சூர்யாவிற்கும் சிறந்த நடிகருக்கான தேசிய விருதையும், அபர்ணா பாலமுரளிக்கு சிறந்த நடிகைக்கான தேசிய விருதை பெற்றுத் தந்தது. சிறந்த பின்னணி இசை, சிறந்த ஒரிஜனல் திரைக்கதை ஆகிய விருதுகளையும் வென்றது.

இப்படத்தை ஹிந்தியில் அக்ஷய்குமார், ராதிகா மதன் மற்றும் பலர் நடிக்க ரீமேக் செய்துள்ளார்கள். நாளை ஜூலை 12ம் தேதி இந்தப் படம் வெளியாக உள்ளது. தொடர்ந்து தோல்விப் படங்களைக் கொடுத்து வந்த அக்ஷய் குமாருக்கு இந்தப் படம் மீண்டும் பழைய வெற்றியைப் பெற்றுத் தருமா என்ற எதிர்பார்ப்பு எழுந்துள்ளது. கடந்த இரண்டு வருடங்களாக படமாகி வந்த படம். இந்தப் படத்தை அக்ஷயும் பெரிதும் நம்பியுள்ளார்.

ஆனால், நாளை படம் வெளியாக உள்ள நிலையில் முன்பதிவு மிகவும் மோசமாக உள்ளது. படம் வெளியாகி ரசிகர்களின் வரவேற்பைப் பெற்று அதன்பின் வாய்மொழியாக படம் பற்றிய நல்ல தகவல் பரவினால் படத்தைப் பார்க்க ரசிகர்கள் வருவார்கள் என நம்புகிறார்கள்.

ஓடிடியில் வெளியானதால் இந்தப் படத்தை தமிழிலேயே பல ஹிந்தி ரசிகர்கள் பார்த்துவிட்டார்கள். அவர்கள் மீண்டும் படம் பார்க்க வருவார்களா என்ற கேள்வியும் எழுந்துள்ளது. பாலிவுட்டில் ரீமேக் படங்களுக்கான எதிர்காலம் என்ன என்பது இந்தப் படத்தின் வரவேற்பில்தான் உள்ளது.

• 
  நாகார்ஜூனா ரசிகையாக கை தட்டியதில் நானும் ஒருவர்! - அமலா அக்கினேனி
• 
  இயக்குனராக கென் கருணாஸ் : அதிகாரப்பூர்வ அறிவிப்பு
• 
  ரஜினி, சுந்தர்.சி கூட்டணியில் புதிய படம்?
• 
  தீபாவளி பண்டிகையையொட்டி ரசிகர்களுக்கு 'டபுள் ட்ரீட்': இந்த வார ஓடிடி ...
• 
  பிரபாஸ் பிறந்தநாளில் ரசிகர்களுக்கு இரட்டை விருந்து

• 
  தீபிகா படுகோனேவின் குரல் இனி மெட்டா ஏஐ-யில் ஒலிக்கும்
• 
  மாதவனை பழிக்குப்பழி வாங்கி விட்டேன் : அஜய் தேவ்கன் பகிர்ந்த சுவாரஸ்ய ...
• 
  'மகாபாரதம்' தொடரில் கர்ணனாக நடித்த நடிகர் பங்கஜ் தீர் காலமானார்
• 
  ஹிந்தியில் ரீ-மேக் ஆகும் ‛சங்கராந்திகி வஸ்துனம்' : அக் ஷய் நடிக்க ...
• 
  'ஏஜென்ட் மிர்ச்சி' ; ஸ்ரீ லீலாவின் முதல் பாலிவுட் பட லுக் வெளியானது