Dinamalar

சமந்தாவின் கருத்தை விமர்சித்த கிராமி விருது இசையமைப்பாளர்

நடிகை சமந்தா கடந்த இரண்டு வருடங்களுக்கு மேலாக தசை நார் அழற்சி நோயால் பாதிக்கப்பட்டு தற்போது சிகிச்சை பெற்று அதிலிருந்து மீண்டு வந்துள்ளார். தொடர்ந்து படங்களில் நடித்து வரும் அவர், அவ்வபோது உடல் ஆரோக்கியம் மற்றும் உடற்பயிற்சி குறித்த டிப்ஸ்களையும் தனது சோசியல் மீடியா பக்கத்தில் வெளியிட்டு வருகிறார். அந்த வகையில் தனக்கு இருந்த சுவாச பிரச்னை தொற்றுக்கு ஹைட்ரஜன் பெராக்ஸைடு பயன்படுத்தியதாக சமீபத்தில் ஒரு பதிவிட்டிருந்தார் சமந்தா. ஆனால் டாக்டர் சிரியாக் ஏ.பி பிலிப்ஸ் என்பவர் சமந்தாவின் இந்த பதிவுக்கு கண்டனம் தெரிவித்து மருத்துவர்கள் மட்டுமே பரிந்துரைக்க வேண்டிய மருத்துவ விஷயங்களை சமந்தா இப்படி கூறி இருப்பது துரதிஷ்டவசமானது. இதனால் சமந்தாவுக்கு அபராதம் விதிக்க வேண்டும் அல்லது அவரை சிறையில் கூட அடைக்கலாம் என்று கூறியுள்ளார்.

அதேசமயம் இதற்கு விளக்கம் அளித்த சமந்தா, என்னை சிறையில் அடைக்க வேண்டும் என்கிற அளவிற்கு டாக்டர் கடுமையாக பேசியுள்ளார். அவர் என்னை விமர்சிப்பதற்கு பதிலாக இந்த பதிவுடன் டேக் செய்துள்ள எனது டாக்டருடன் உரையாடுவது தான் சரியாக இருக்கும் என்று கூறியிருந்தார். இந்த நிலையில் இந்த சர்ச்சையை கவனித்து வந்த கிராமி விருது வென்ற இந்தியா-அமெரிக்க இசை அமைப்பாளர் மற்றும் சுற்றுச்சூழல் ஆர்வலரான ரிக்கி கேஜ் சமந்தாவின் மருத்துவ ஆலோசனை குறித்து தனது கடும் விமர்சனத்தை முன் வைத்துள்ளார்.

சமந்தாவின் பதிவு மற்றும் டாக்டருக்கான பதிலடி குறித்து அவர் கூறும்போது, “நீங்கள் விரைவில் நலமாக வேண்டும்.. நிறைய கஷ்டங்களை சந்தித்திருப்பீர்கள்.. அதேசமயம் மருத்துவ அறிவுரை என்று வரும்போது அது மருத்துவர்கள் அல்லாத நபர்களால் அதுவும் உங்களைப் போன்ற பிரபலங்களால் சொல்லப்படும்போது மக்களிடம் தாக்கத்தை ஏற்படுத்தும். உங்களை வார்த்தைகளால் தாக்கிய மருத்துவர் நடந்து கொண்ட விதம் வேண்டுமானால் கடுமையாக இருக்கலாம். ஆனால் அவர் சொன்னது முற்றிலும் தவறல்ல. அரைகுறையான அறிவுரையுடன் ஒருவர், அதுவும் உங்களைப் போன்ற பிரபலமான நபர் மக்களின் உயிருடன் விளையாடக் கூடாது” என்று கூறியுள்ளார்.

• இவரை பற்றி
• செய்திகள்
• ஆல்பம்
• வீடியோ
• வந்த படங்கள்
• வரவிருக்கும் படங்கள்
• டுவிட்டர்

• 
  வாடகை வீட்டில் வசிப்பது ஏன் ? பாலிவுட் நடிகர் அனுபம் கெர் ஆச்சரிய விளக்கம்
• 
  வார்-2வில் ஹிருத்திக் ரோஷனை விட அதிக சம்பளம் யாருக்குத் தெரியுமா?
• 
  வார் 2 படத்திற்காக மீண்டும் சிக்ஸ்பேக்கிற்கு மாறிய ஜூனியர் என்டிஆர்
• 
  250 கோடி வசூலைக் கடந்த 'சாயரா'
• 
  வார் 2 டிரைலர் : 24 மணி நேரத்தில் 50 மில்லியன் பார்வைகள்

• 
  கோலிவுட்டில் கணிசமாக குறைந்த பார்ட்டிகள்: ஸ்ரீகாந்த், அமீர், கிருஷ்ணா ...
• 
  சிவகார்த்திகேயன் வெளியிடும் ஹவுஸ்மேட்ஸ்: பேய் படமா? வேறுவகை ஜானரா?
• 
  மதராஸி ‛கம்பேக்' கொடுக்கும் படமாக இருக்கும் என்கிறார் ஏ.ஆர்.முருகதாஸ்
• 
  'ஏஸ்' தோல்வியிலிருந்து ஏறி வந்த விஜய் சேதுபதி
• 
  ரசிகர்களை அதிர்ச்சியடைய வைத்த மாதம்பட்டி ரங்கராஜ் இரண்டாவது திருமணம்