Dinamalar

தெலுங்கு சினிமாவின் 5வது 600 கோடி படமாக 'கல்கி 2898 ஏடி'

இந்தியத் திரையுலகத்தில் ஹிந்தி சினிமாவிற்குப் போட்டியாக தெலுங்கு சினிமா வளர்ந்து வருகிறது. அதற்கேற்ற விதத்தில் பிரம்மாண்டமான படங்களைக் கொடுத்து வசூலை அள்ளி வருகிறார்கள் தெலுங்குத் திரையுலகினர்.

கடந்த வாரம் வெளிவந்த 'கல்கி 2898 ஏடி' படமும் தற்போது 600 கோடி வசூலைக் கடந்துள்ளதாகத் தகவல் வெளியாகி உள்ளது. தெலுங்கு திரையுலகத்தைப் பொறுத்தவரை இது 5வது 600 கோடி படம். இதற்கு முன்பு, “பாகுபலி 2, ஆர்ஆர்ஆர், சலார், பாகுபலி 1” ஆகிய படங்கள் 600 கோடி வசூலைக் கடந்த படங்களாக அமைந்தன. 'கல்கி' படத்தின் வசூல் இன்னும் சில நூறு கோடிகளை வசூலிக்கும் என்று எதிர்பார்க்கப்படுகிறது.

தமிழ் சினிமாவைப் பொறுத்தவரையில், '2.0, ஜெயிலர், லியோ' ஆகிய படங்கள் மட்டுமே 600 கோடி வசூலைக் கடந்த படங்களாக உள்ளன. ஹிந்தியில், “தங்கல், ஜவான், பதான், பஜ்ரங்கி பைஜான், அனிமல், சீக்ரெட் சூப்பர் ஸ்டார்', பிகே, கடார் 2, சுல்தான்” ஆகிய படங்கள் 600 கோடி வசூலைக் கடந்துள்ளன. கன்னடத்தில் 'கேஜிஎப் 2' படம் மட்டும் 600 கோடியைக் கடந்துள்ளது.

தமிழில் இந்த ஆண்டில் அடுத்து வர உள்ள சில படங்கள் 600 கோடியைக் கடக்க வாய்ப்புள்ளது. குறிப்பாக “இந்தியன் 2, தி கோட், வேட்டையன், கங்குவா,' ஆகிய படங்கள் அந்த சாதனையைப் பெறலாம்.

• 
  ஹிந்தியில் மீண்டும் தடம் பதிப்பாரா தனுஷ்?
• 
  சினிமா டூ அரசியல் : பாலிவுட்டின் ‛ஹீ மேன்' தர்மேந்திராவின் வாழ்க்கை ...
• 
  ஹிந்தி நடிகர் தர்மேந்திரா காலமானார்
• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...

• 
  நான் கார்த்தியின் தீவிர ரசிகை : கிர்த்தி ஷெட்டி
• 
  இன்னும் 50 நாள் : பராசக்தி புதிய போஸ்டர் வெளியீடு
• 
  ஆர்யன் படம் வருகிற 28-ல் நெட்பிளிக்சில் வெளியாகிறது
• 
  ஜாய் கிறிஸ்டில்லாவுக்கு எதிராக மாதம்பட்டி ரங்கராஜ் தொடுத்த வழக்கை ...
• 
  சிம்பு கதையில் ரஜினியா...