Dinamalar

வேட்டையனை சந்தித்த சேனாபதி ; வைரலாகும் புகைப்படம்

கடந்த 45 வருடங்களுக்கு மேலாக தமிழ் சினிமாவில் நடிப்பில் எதிரெதிர் துருவங்களாக நின்று ரசிகர்களை மகிழ்வித்து வருபவர்கள் ரஜினியும் கமலும். இப்போதும் கதாநாயகர்களாக இளம் நடிகர்களுக்கு சவால் விடும் விதமாக போட்டி போட்டு படங்களில் நடித்து வருகின்றனர். அந்த வகையில் ரஜினிகாந்த் ஜெய்பீம் இயக்குனர் த.செ.ஞானவேல் இயக்கத்தில் வேட்டையன் என்கிற படத்தில் நடித்துள்ளார். அக்டோபர் மாதம் இந்த படம் வெளியாக இருக்கிறது. அதேபோல ஷங்கர் இயக்கத்தில் நீண்ட காலமாக எதிர்பார்க்கப்பட்டு வரும் இந்தியன் 2 படத்தில் கமல் நடித்துள்ளார். இந்த படம் வரும் ஜூலை மாதம் வெளியாக இருக்கிறது.

இந்தப் படங்களின் படப்பிடிப்பு நடைபெற்று வந்தபோது ரஜினியும் கமலும் நீண்ட நாட்கள் கழித்து படப்பிடிப்பு தளத்தில் ஒன்றாக சந்தித்துக் கொண்ட புகைப்படம் ஒன்று சில மாதங்களுக்கு முன்பு சோசியல் மீடியாவில் வெளியாகி இருதரப்பு ரசிகர்களையும் உற்சாகப்படுத்தியது. அதே சமயம் அவர்கள் அந்த புகைப்படத்தில் தங்களது இயல்பான தோற்றத்தில் தான் இருந்தார்கள். இந்த நிலையில் கமல் இந்தியன் 2 கெட்டப்பிலும், ரஜினிகாந்த் வேட்டையன் கெட்டப்பிலும் ரசிகர் ஒருவருடன் இணைந்து எடுத்துக்கொண்ட புகைப்படம் ஒன்று தற்போது சோசியல் மீடியாவில் வெளியாகி வைரலாக பரவி வருகிறது.

இந்தியன் 2வில் பல கெட்டப்புகளில் நடித்திருக்கும் கமல் இந்த புகைப்படத்தில் வயதான சீனரின் தோற்றத்தில் இருக்கிறார். இப்படி இருவரும் தங்கள் கதாபாத்திரத்தில் தோன்றும் அரிதான புகைப்படத்தில் இருவருடனும் இணைந்து புகைப்படம் எடுத்துக் கொண்ட நபரை மிகவும் அதிர்ஷ்டசாலி என இருதரப்பு ரசிகர்களும் பாராட்டி வருகின்றனர்.

• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்

• 
  ரஜினி, கமல் கூட்டணி படம் : பிரதீப் ரங்கநாதன் பதில்
• 
  விஜய் ஆண்டனியின் அடுத்தபடம் பற்றிய தகவல்
• 
  நாகர்ஜூனாவின் 100வது படம் தொடங்கியது
• 
  பான் இந்தியா படம் : பிரசாந்த் ஆர்வம்
• 
  நான் அவனில்லை : இயக்குனர் பாரதி கண்ணன் விளக்கம்