Dinamalar

அமெரிக்காவில் 210 ஐமேக்ஸ் தியேட்டர்களில் 'கல்கி 2898 ஏடி'

இன்றைய அதிநவீன தொழில்நுட்ப சினிமாவில் சிறந்த தியேட்டர் அனுபவத்தைப் பெற வேண்டும் என்றால் ஐமேக்ஸ் தியேட்டர்களில் படத்தைப் பார்க்க வேண்டும். அதிலும் விஎப்எக்ஸ், கிராபிக்ஸ் காட்சிகள் அடங்கிய படங்கள் என்றால் சொல்லவே வேண்டாம். அப்படியான தியேட்டர்களில் பார்த்தால் மட்டுமே அந்த பிரம்மாண்டம் தெரியும்.

நாக் அஸ்வின் இயக்கத்தில் பிரபாஸ், தீபிகா படுகோனே, அமிதாப்பச்சன், கமல்ஹாசன் உள்ளிட்டோர் நடித்துள்ள 'கல்கி 2898 ஏடி' படம் அமெரிக்காவில் மட்டும் 210 ஐமேக்ஸ் தியேட்டர்களில் திரையிடப்பட உள்ளதாம். இதுவரையிலான எண்ணிக்கை மட்டும் இவ்வளவு. இன்னும் அந்த எண்ணிக்கை கூடவும் வாய்ப்பிருக்கிறதாம். அது மட்டுமல்ல 'பிஎல்எப்' அதாவது பிரிமீயம் லார்ஜ் பார்மேட் (PLF) விதத்தில் 390 தியேட்டர்களிலும் அங்கு திரையிடப் போகிறார்களாம். இது வழக்கமான தியேட்டர் திரைகளை விடப் பெரியதாக இருக்கும்.

இந்தியாவிலும் பல மாநகரங்களில் ஐமேக்ஸ் தியேட்டர்களில் திரையிடப் போகிறார்கள். ஆனால், ஆந்திரா, தெலங்கானா மாநிலங்களில் மட்டும் ஐமேக்ஸ் தியேட்டர்களே இல்லை என்பது தெலுங்கு சினிமா ரசிகர்களுக்கு மிகப் பெரும் வருத்தம்.

இன்று மாலை 6 மணிக்கு இப்படத்தின் ரிலீஸ் டிரைலர் வெளியாக உள்ளது என்பது கூடுதல் தகவல்.

• 
  வாடகை வீட்டில் வசிப்பது ஏன் ? பாலிவுட் நடிகர் அனுபம் கெர் ஆச்சரிய விளக்கம்
• 
  வார்-2வில் ஹிருத்திக் ரோஷனை விட அதிக சம்பளம் யாருக்குத் தெரியுமா?
• 
  வார் 2 படத்திற்காக மீண்டும் சிக்ஸ்பேக்கிற்கு மாறிய ஜூனியர் என்டிஆர்
• 
  250 கோடி வசூலைக் கடந்த 'சாயரா'
• 
  வார் 2 டிரைலர் : 24 மணி நேரத்தில் 50 மில்லியன் பார்வைகள்

• 
  மதராஸி ‛கம்பேக்' கொடுக்கும் படமாக இருக்கும் என்கிறார் ஏ.ஆர்.முருகதாஸ்
• 
  'ஏஸ்' தோல்வியிலிருந்து ஏறி வந்த விஜய் சேதுபதி
• 
  ரசிகர்களை அதிர்ச்சியடைய வைத்த மாதம்பட்டி ரங்கராஜ் இரண்டாவது திருமணம்
• 
  அஜித்தை வைத்து ஆக்ஷன் படம் இயக்க லோகேஷ் கனகராஜ் ஆசை
• 
  ராஷ்மிகாவின் மைசா படப்பிடிப்பு பூஜையுடன் தொடங்கியது