மனைவியை விட்டுச் செல்பவன் நல்ல மனிதன் அல்ல - குஷ்பு பதிவு வைரல் | ஹேமா கமிட்டி ஒரு ‛கேம் சேஞ்சர்' : சம்யுக்தா மேனன் | நடிகை பார்வதி நாயர் மீது வழக்குப்பதிவு: எதற்காக தெரியுமா? | தேவரா 1 - ஆறு காட்சிகள், கூடுதல் கட்டண உயர்வு - அரசு ஆணை | ‛குட் பேட் அக்லி' படத்தில் இணைந்த அர்ஜுன் தாஸ் | 100வது நாளில் விஜய் சேதுபதியின் 'மகாராஜா' | விஜய் சேதுபதி வெப் தொடரில் ஜாக்கி ஷெராப், யோகி பாபு | கொரியன் படத்துக்கு இவ்வளவு கூட்டமா? | அமிதாப் பச்சனுக்கு குரல் கொடுத்த பிரகாஷ் ராஜ் | ‛தக் லைப்' படப்பிடிப்பு நிறைவு : சாட்டிலைட் பிசினஸ் எவ்வளவு தெரியுமா...? |
தெலுங்கில் 2021ம் ஆண்டில் வெளியான 'உப்பென' படம் மூலம் கதாநாயகியாக அறிமுகமானவர் கிரித்தி ஷெட்டி. அந்தப் படம் அவருக்கு பெரிய வெற்றியையும், நல்ல அறிமுகத்தையும் ஏற்படுத்திக் கொடுத்தது. அதன்பின் அவர் நடிப்பில் சில படங்கள் வரவேற்பைப் பெற்றாலும் தெலுங்கில் இன்னும் முன்னணி நடிகையாக வர முடியாமல் இருக்கிறார்.
தமிழ், தெலுங்கில் தயாரான 'த வாரியர்' படம் மூலம் இங்கு அறிமுகமானார். அடுத்து அதே போலத் தயாரான 'கஸ்டடி' படத்திலும் நடித்தார். இரண்டுமே தோல்விப் படங்களாக அமைந்தன.
பாலா இயக்கத்தில் சூர்யா நடிப்பதாக இருந்த 'வணங்கான்' படத்தில் கதாநாயகியாக நடிக்க ஒப்பந்தம் செய்யப்பட்டார். அப்படத்திலிருந்து சூர்யா விலகியதால், அனைத்துமே மாறியது.
இந்நிலையில் தற்போது தமிழில் மூன்று படங்களில் பிஸியாக நடித்து வருகிறார் கிரித்தி. கார்த்தி ஜோடியாக 'வா வாத்தியார்', ஜெயம் ரவி ஜோடியாக 'ஜீனி', பிரதீப் ரங்கநாதன் ஜோடியாக 'எல்ஐசி' ஆகிய படங்களில் நடித்து வருகிறார். இப்படங்கள் மூலம் தமிழில் முன்னணி நடிகை வரிசையில் இடம் பிடிக்கலாம் கிரித்தி.