வளரும் நடிகர் பட்டியலில் இணைந்த கவின்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

வளரும் நடிகர் பட்டியலில் இணைந்த கவின்

19 மே, 2024 - 12:44 IST

எழுத்தின் அளவு:

டிவியில் இருந்து சினிமாவுக்கு வந்தவர்களில் ஒரு சிலர்தான் முன்னணி நடிகராக உயர்ந்துள்ளார்கள். விஜய் டிவியில் தொகுப்பாளராக இருந்த சிவகார்த்திகேயன், காமெடி ஷோவில் நடித்த சந்தானம் ஆகியோரைத் தொடர்ந்து அந்த டிவியில் இருந்து வந்த மற்றொருவர் கவின். இவர் டிவி சீரியலில் இருந்து வந்தவர்.

முதன் முதலில் 'சத்ரியன்' படத்தில் முக்கிய கதாபாத்திரம் ஒன்றில் நடித்தார். அப்படம் வெற்றி பெறாததால் கவினும் கண்டு கொள்ளப்படவில்லை. அடுத்து 'நட்புனா என்னனு தெரியுமா' படத்தில் கதாநாயகனாக நடித்தார். அந்தப் படமும் ஓடவில்லை. ஓடிடி தளத்தில் வெளியான 'லிப்ட்' படம் வரவேற்பைப் பெற்றது. கடந்த வருடம் வெளிவந்த 'டாடா' படமும் கமர்ஷியல் ரீதியாக வெற்றி பெற்றது.

கடந்த வாரம் வெளியான 'ஸ்டார்' படம் சுமார் 20 கோடி வசூலை நெருங்கி வருகிறது. இதற்கடுத்து நடன இயக்குனர் சதீஷ் இயக்கத்தில் ஒரு படத்தில் நடித்து வருகிறார். இயக்குனர் நெல்சன் தயாரிப்பில் 'பிளடி பெக்கர்' படத்தில் நடிக்க உள்ளார். இயக்குனர் வெற்றிமாறன் தயாரிப்பில் புதிய படம் ஒன்றில் நடிக்கப் போகிறார். அடுத்தடுத்து தயாராக உள்ள இந்தப் படங்களால் வளரும் நடிகர் பட்டியலில் இணைந்துள்ளார் கவின்.

Kavin

Actorkavin

கருத்துகள் (0) கருத்தைப் பதிவு செய்ய

மிஸ்டர் அண்ட் மிஸஸ் படத்தில் ஜோடி ...

ஸ்ரீ கணேஷ் இயக்கத்தில் சித்தார்த்

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய