Dinamalar

'புஷ்பா 2' திட்டமிட்டபடி வெளியாகும் : உறுதி செய்த படக்குழு

சுகுமார் இயக்கத்தில் தேவிஸ்ரீபிரசாத் இசையமைப்பில் அல்லு அர்ஜுன், ராஷ்மிகா மந்தனா, பஹத் பாசில் மற்றும் பலர் நடிப்பில் உருவாகி வரும் படம் 'புஷ்பா 2'. இப்படம் இந்த வருடம் ஆகஸ்ட் 15ம் தேதி வெளியாகும் என படக்குழு ஏற்கெனவே அறிவித்துள்ளது.

ஆனால், பிரபாஸ், தீபிகா படுகோனே, அமிதாப்பச்சன், கமல்ஹாசன் மற்றும் பலர் நடிக்கும் 'கல்கி 2898 ஏடி' படம் மே 9ம் தேதி வெளியாகும் என அறிவிக்கப்பட்டிருந்தது. மே 13ம் தேதி ஆந்திரா, தெலங்கானாவில் லோக்சபா தேர்தல் நடைபெற உள்ளது. அதனால், இப்படத்தின் வெளியீடு தள்ளிப் போகலாம் என தகவல் வெளியானது. ஆகஸ்ட் 15ல் இப்படத்தை வெளியிட பேச்சுவார்த்தை நடப்பதாகவும் சொன்னார்கள். அதனால், 'புஷ்பா 2' படமும் தள்ளிப் போகலாம் என தகவல் பரவியது.

இந்நிலையில் நேற்று 'புஷ்பா 2' படக்குழு படத்தின் புரமோஷன் ஆரம்பம் பற்றிய போஸ்டர் ஒன்றை வெளியிட்டது. அதில் படத்தின் 15, ஆகஸ்ட், 2024 என்று குறிப்பிட்டு வெளியீட்டுத் தேதியில் எந்தமாற்றமும் இல்லை என்பதை உறுதி செய்துள்ளார்கள்.

ஏப்ரல் 5ம் தேதி இப்படத்தின் கதாநாயகி ராஷ்மிகாவுக்கும், ஏப்ரல் 8ம் தேதி கதாநாயகன் அல்லு அர்ஜுனுக்கும் பிறந்தநாள் வருகிறது. அதை முன்னிட்டு சில பல அப்டேட்டுகள் வெளியாகலாம்.

• 
  நிரப்ப முடியாத வெற்றிடம் : கணவர் தர்மேந்திரா மறைவு குறித்து ஹேமமாலினி ...
• 
  கணவர் மீது புகார் அளித்துள்ள செலினா ஜெட்லி
• 
  ஜோசப் ரீமேக்கை பார்க்காமலேயே தர்மேந்திரா மறைந்து விட்டார் : மலையாள ...
• 
  ஹிந்தியில் மீண்டும் தடம் பதிப்பாரா தனுஷ்?
• 
  சினிமா டூ அரசியல் : பாலிவுட்டின் ‛ஹீ மேன்' தர்மேந்திராவின் வாழ்க்கை ...

• 
  சிரஞ்சீவி ரசிகர்களிடம் மன்னிப்பு கேட்ட கீர்த்தி சுரேஷ்!
• 
  லாக் டவுன் டிரைலர் வெளியானது
• 
  நடிகைகள் அம்பிகா, ராதாவின் தாயார் காலமானார்
• 
  பிரபுவுக்கு ஜோடியாக மஞ்சு வாரியர் நடித்து ஒரு பாடல் படப்பிடிப்புடன் ...
• 
  ‛அஞ்சான்' ரீ ரிலீஸில் வெற்றி பெற்றால் அஞ்சான் 2 உருவாகும் : லிங்குசாமி